آپریشن رد الفساد : 21 افغان اور 57 مشتبہ افراد گرفتار
The news is by your side.

Advertisement

آپریشن رد الفساد : 21 افغان اور 57 مشتبہ افراد گرفتار

راولپنڈی : آپریشن ردالفساد کےتحت مختلف علاقوں میں انٹیلی جنس بیس آپریشن میں 21 افغان شہریوں سمیت 57 مشتبہ افراد کو حراست میں لے کر اسلحہ اور گولیاں بر آمد کر لیں۔

فوج کے تعلقات عامہ کے ادارے کے مطابق پہلے مرحلے میں یہ آپریشن اسلام آباد،سیالکوٹ،اٹک،نارووال،لاہورمیں کیاگیا جب کہ دوسرے مرحلے میں شیخوپورہ،رحیم یارخان ،ڈی جی خان،راجن پورمیں میں بھی آپریشن کیاگیا۔

آئی ایس پی آر کا کہنا ہے مذکورہ علاقوں میں آپریشن پہلے سے حاصل کردہ انٹیلی جنس اداروں کی جانب سے دی گئی معلومات کی بنیاد پر کی گئی جس میں مقامی پولیس کا تعاون بھی شامل رہا۔

ذرائع کے مطابق قانون نافذ کرنے والے اداروں نے مشترکہ سرچ آپریشن میں رہائشیوں کے دستاویزات بھی چیک کیے گئے جس کے دوران 21 افغان شہریوں کو غیر قانونی طور پر رہائش اختیار کیے رکھنے پر حراست میں لے لیا گیا۔

جب کہ آپریشن کے دوران 57 مشتبہ افراد کو بھی گرفتار کیا گیا اور غیرقانونی اسلحہ سمیت کثیر تعداد میں گولیاں بھی بر آمد ہوئیں جنہیں قانون نافذ کرنے والے اداروں نے اپنی تحویل میں لے لیا۔

واضح رہے آپریشن رد الفساد کے دوران اب تک ہزاروں مشتبہ افراد اور غیر ملکی بالخصوص افغان شہریوں کو حراست میں لیا جا چکا ہے جب کہ بھاری مقدار میں اسلحہ و گولہ بارود بھی برآمد کیا گیا ہے۔

Comments

comments

یہ بھی پڑھیں