The news is by your side.

Advertisement

عباسی اسپتال کا آپریشن تھیٹر بیماریوں کی آماجگاہ بن گیا

کراچی : عباسی شہید اسپتال کا آپریشن تھیٹر کی حالت نہایت خراب ہے جہاں پر گندگی، خون اور پان کے نشانات اور آلات جراحی سمیت دیگر سہولیات کے فقدان نے انتظامیہ کی قلعی کھول دی ہے۔

تفصیلات کے مطابق عباسی شہیداسپتال جو کراچی میں کے ایم سی کے تحت چلنے والا اسپتال ہے اور سرجانی ٹاؤن سے صدر تک کے لوگوں کو طبی سہولیات فراہم کا واحد ذریعہ بھی ہے تاہم یہ اسپتال شدید بد انتظامی کا شکار ہے جہاں سہولیات تو ایک طرف صفائی ستھرائی کا بھی کوئی نظام نہیں۔

کسی بھی اسپتال کا سب سے اہم حصہ آپریشن تھیٹر ہوتا ہے جہاں حساس نوعیت کے آپریشنز کیے جاتے ہیں اور جہاں صفائی سھترائی کے ساتھ ساتھ آلات جراحی اور دیگر سہولیات کا ہمہ وقت میئسر رہنا بہت ضروری امر ہوتا ہے۔

تاہم عباسی اسپتال کےشعبہ آپریشن تھیٹر کی حالاتِ زار بہت بری ہے جہاں نہ صرف یہ کہ طبی سہولیات کا فقدان ہے اور فرش و دیوار بھی جا بہ جا ٹوٹ پھوٹ کا شکار ہیں بلکہ چھت بھی سیلنگ کے باعث کمزور ہو چکی ہے اور ڈر ہے کہ کوئی حصہ گر نہ جائے۔

آپریشن تھیٹر میں صفائی اولین ضرورت ہے لیکن یہاں صفائی کا عملہ بھی غائب رہتا ہے یہی وجہ ہے کہ آپریشن تھیٹر کی خون سے بھری چادریں بھی اٹھائی نہیں جاتیں اور ہر مریض کے لیے ایک ہی چادر استعمال کی جاتی ہیں جس پر خون کے دھبے لگے ہوتے ہیں جس کی وجہ سے امراض کی منتقلی کا خدشہ بڑھ جاتا ہے۔

عباسی اسپتال میں سرجری کے فرائض انجام دینے والے مختلف شعبے کے سرجنز نے بھی آپریشن تھیٹر میں گندگی اور غلاظت پر تشویش کا اظہار کرتے ہوئے صحت و صفائی کے حوالے سے ہنگامی اقدامات کا مطالبہ کیا ہے اور بالخصوص آپریشن تھیٹر میں معیاری اسٹرلائزیشن کے انتظام پر ذور دیا ہے تا کہ انفیکشن کے تبادلے سے محفوظ رہا جا سکے۔

دوسری جانب ذرائع کا کہنا ہے کہ شہری حکومت اور صوبائی حکومت کے درمیان فنڈز کے معاملات کے باعث اسپتال کو فنڈز کی کمی کا سامنا ہے جس کے باعث انتظامیہ کسی قسم کے اقدامات کرنے سے قاصر نظر آتی ہے تاہم اس وجہ سے سب سے مشکل میں اسپتال میں آنے والے وہ مریض ہیں جو قلت آمدنی کے باعث اپنا علاج نجی اسپتال میں نہیں کرا سکتے ہیں۔

Print Friendly, PDF & Email

Comments

comments

یہ بھی پڑھیں