The news is by your side.

Advertisement

اپوزیشن کا نیب ترمیمی آرڈیننس آئندہ ہفتہ سپریم کورٹ میں چیلنج کرنے کا فیصلہ

اسلام آباد : اپوزیشن نے نیب ترمیمی آرڈیننس کیخلاف درخواست کا مسودہ تیارکرلیا ، درخواست آئندہ ہفتہ سپریم کورٹ میں دائر کی جائے گی۔

تفصیلات کے مطابق اپوزیشن نے نیب ترمیمی آرڈیننس آئندہ ہفتہ سپریم کورٹ میں چیلنج کرنے کا فیصلہ کرلیا ، ذرائع کا کہنا ہے کہ نیب ترمیمی آرڈیننس کیخلاف اپوزیشن کی درخواست کا مسودہ تیار کر لیا گیا ہے۔

ذرائع نے بتایا کہ اپوزیشن نے سلمان اکرم راجہ کی خدمات حاصل کر لی، ایڈووکیٹ حیدر رسول مرزا نے آئینی درخواست کا مسودہ تیار کیا، آئین کے آرٹیکل 183 تھری کے تحت درخواست دائر کی جائے گی۔

اپوزیشن کی جانب سے چیئرمین نیب کی توسیع کو بھی چیلنج کیا جائے گا جبکہ نیب ترمیمی آرڈیننس کے دیگر امتیازی شقیں بھی چیلنج کی جائیں گی۔

یاد رہے صدر پاکستان عارف علوی کی منظوری کے بعد تیسرا نیب ترمیمی آرڈیننس جاری کردیا گیا تھا ، جس کے تحت عوام الناس سے دھوکہ اور فراڈ کیسز واپس نیب کے حوالے کر دیے گئے ہیں۔

آرڈیننس کے تحت مضاربہ کیسز، فراڈ اور دھوکہ دہی کے کیسز کو 6 اکتوبر سے پہلے کی پوزیشن پر بحال کردیا گیا تھا ، جس کے بعد نیب اور احتساب عدالتوں کو فراڈ کیسز پر کاروائی کا اختیار دے دیا گیا تھا۔

Comments

یہ بھی پڑھیں