The news is by your side.

Advertisement

اپوزیشن کا پیر کو قومی اسمبلی کا اجلاس بلانے کے لیے ریکوزیشن جمع کرانے پر اتفاق

اسلام آباد : اپوزیشن نے پیر کو قومی اسمبلی کا اجلاس بلوانے کے لیے ریکوزیشن جمع کرانے پر اتفاق کرلیا ، بلاول بھٹو کے اسلام آباد جلسے میں عدم اعتماد کا اعلان کیا جائے گا۔

تفصیلات کے مطابق ذرائع مسلم لیگ ن کی جانب سے کہا گیا ہے کہ اپوزیشن کا پیرکو قومی اسمبلی کا اجلاس بلوانے کے لیے ریکوزیشن جمع کرانے پراتفاق ہوگیا۔

ذرائع کا کہنا ہے کہ منگل کو پیپلز پارٹی کا لانگ مارچ اسلام آباد پہنچے گا ، بلاول بھٹو کے اسلام آباد جلسےمیں اپوزیشن کیجانب سے عدم اعتماد کا اعلان کیا جائے گا۔

مسلم لیگ ن ذرائع نے دعویٰ کیا ہے کہ تحریک عدم اعتماد کے لیے اپوزیشن کے پاس نمبر گیم مکمل ہیں اور تحریک عدم اعتماد کامیاب ہونے پر مکمل یقین ہے۔

ریکوزیشن جمع کرانے کے بعد اسپیکرقومی اسمبلی 15 دن میں اجلاس بلانے کے پابندہوں گے ، دوران اجلاس تحریک عدم اعتمادپر7دن میں کارروائی کرنا ہوگی۔

خیال رہے پیپلزپارٹی کے مرکزی رہنما اسلام آباد میں موجود ہیں اور رہنماؤں کی تحریک عدم اعتماد کے حوالے سےملاقاتیں بھی جاری ہے جبکہ سابق صدر آصف زرداری اسلام آباد میں موجود ہیں۔

پی پی رہنماؤں کے اپوزیشن، حکومتی، اتحادی ایم این ایز سے رابطے ہورہے ہیں جبکہ راجہ پرویز اشرف،حسن مرتضی کولاہور میں رہنے کی ہدایت کرتے ہوئے رابطوں کا ٹاسک دیا گیا ہے۔

Comments

یہ بھی پڑھیں