The news is by your side.

Advertisement

اپوزیشن کرپشن وائرس سے بچنے کیلئے قوم کو کرونا کا شکار کررہی ہے، عثمان بزدار

لاہور : سردارعثمان بزدار نے بدقسمتی سے اپوزیشن کی گیارہ جماعتوں نے بھی کرونا وائرس کو اپنا پارنٹر بنالیا ہے۔

تفصیلات کے مطابق وزیر اعلیٰ پنجاب سردار عثمان بزدار نے اپوزیشن اتحاد پی ڈی ایم پر تنقید کرتےہوئے کہا اپوزیشن کی انتشار کی سیاست قوم مسترد کرچکی ہے۔

انہوں نے کہا کہ بدقسمتی سے اپوزیشن کی گیارہ جماعتیں کرونا کی بھی پارٹنر بن گئی ہیں، اپویشن کرونا وائرس تیزی سے پھیلانے کا باعث بن رہی ہے۔

عثمان بزدار نے کہا کہ ایک طرف اسپتال بھر رہے ہیں اور اموات میں اضافہ ہورہا ہے تو دوسری طرف اپوزیشن کو اپنے منفی ایجنڈے کی تکمیل کی فکر ہے۔

وزیراعلیٰ پنجاب نے کہا کہ اپوزیشن کرپشن وائرس سے بچنے کےلی قوم کو کرونا کا شکار کررہی ہے، اپوزیشن صرف اور صرف اپنے کرپشن کیس کی فائلز بند کرانا چاہتی ہے۔

ان کا کہنا تھا کہ ان جلسوں سے کورنا وائرس بڑھ سکتا ہے لیکن این آر او کی خواہش پوری نہیں ہوسکتی، زندہ دلان لاہور آج پی ڈی ایم کی منفی سیاست کو مسترد کردیں گے۔

وزیراعلیٰ پنجاب عثمان بزدار نے واضح کیا کہ قانون توڑنے والوں کو قانون کی گرفت کا سامنا کرنا پڑے گا۔

Comments

یہ بھی پڑھیں