The news is by your side.

Advertisement

چینی رپورٹ عوام کے سامنے آنے سے خود اپوزیشن حیران ہے، شبلی فراز

اسلام آباد : وفاقی وزیر اطلاعات شبلی فراز نے سابق حکمرانوں سے متعلق کہا کہ ماضی میں حکمران غلط کام کرتے تھے اور پھر ان غلطیوں کا دفاع بھی کرتے رہے۔

تفصیلات کے مطابق وفاقی وزیر اطلاعات و پاکستان تحریک انصاف کے رہنما شبلی فراز نے کہا کہ وزیر اعظم عمران خان نے یہ ثابت کیا ہے کہ کوئی قانون سے بالا تر نہیں ہے۔

انہوں نے کہا کہ ملکی تاریخ میں کوئی برسر اقتدار حکومت ایسی رپورٹ عوام کے سامنے نہیں لائی لیکن چینی سے متعلق رپورٹ عوام کے سامنے آنے سے خود اپوزیشن جماعتیں حیران ہے۔

وزیر اطلاعات شبلی فراز کا مزید کہنا تھا کہ ماضی میں حکمران غلط کام کرتے رہے اور پھر ان کا دفاع بھی کرتے رہے۔

اس سے قبل شبلی فراز نے کہا تھا کہ ن لیگی قیادت آج اپنا بویا کاٹ رہی ہے، انہوں نے ن لیگی قیادت کو مشورہ دیا کہ بے گناہ ہیں تو فکر کس بات کی؟ سوالوں کے جواب دے دیں۔

ن لیگی قیادت آج اپنا بویا کاٹ رہی ہے، شبلی فراز

وفاقی وزیر اطلاعات کا مزید کہنا تھا کہ وزیر اعظم عمران خان کرونا وائرس کی عالمی وبا سے لڑ رہے ہیں جبکہ مسلم لیگ نواز صرف عمران خان پر برس رہی ہے، وزیر اعظم کے فیصلوں کا محور عوام اور ان کی صحت اور سہولتوں کی فراہمی ہے۔

fb-share-icon0
Tweet 20

Comments

comments

یہ بھی پڑھیں