The news is by your side.

Advertisement

حکومت پارلیمنٹ کو اہمیت نہیں دیتی، قائد حزب اختلاف

اسلام آباد: قومی اسمبلی میں قائد حزب اختلاف سید خورشید شاہ نے حکومتی اراکین کو ہدف تنقید بناتے ہوئے کہا ہے کہ دو تہائی اکثریت کے باجود وہ ایوان میں دلچسپی نہیں لیتے، حکومت پارلیمنٹ کو اہمیت نہیں دیتی۔

قومی اسمبلی کے اجلاس میں اظہارخیال کرتے ہوئے قائد حزب اختلاف نے الزام لگایا کہ دو تہائی اکثریت کے باوجود حکومتی اراکین کی ایوان میں دلچسی نہیں ہے، آج کےایوان میں اپوزیشن اراکین کی تعداد ذیا دہ ہے۔

اپوزیشن رہنما نے کہا کہ وفاق اور صوبوں میں بداعتمادی پیدا ہو رہی ہے، سندھ اور خیبرپختونخوا کے وفاق کیساتھ مسائل ہیں، انہوں نے سوال کیا کہ مشترکہ مفادات کونسل کا اجلاس طلب کیوں نہیں کیا جاتا؟

خورشید شاہ کا کہنا تھا کہ ہم نے جمہوریت کیلئےجانیں دیں، پھانسیاں برداشت کیں اورکوڑے کھائے، انہوں نے کہا کہ ہماری حکومت کو کمزور کرنے کیلئے سازشیں کی جاتی رہی۔

قائدحزب اختلاف نے خبردار کیا آئین سے انحراف کرنا خطرناک ہے، وزیر اعظم عوام کو اہمیت نہیں دے رہے، ہم عوام کا اعتماد کھو رہے ہیں۔

Comments

comments

یہ بھی پڑھیں