The news is by your side.

Advertisement

ٹی او آرز کمیٹی میں اب کوئی جان دکھائی نہیں دیتی،شاہ محمود قریشی

اسلام آباد : تحریک انصاف کے رہنما شاہ محمود قریشی اور اعتزاز احسن کا کہنا ہے کہ پاناما لیکس میں انکوائری کا آغاز وزیراعظم اور ان کے خاندان سے ہونا چا ہیے.

تفصیلات کے مطابق اسلام آباد میں میڈیا سے گفتگوکرتے ہوئے تحریک انصاف کے رہنما شاہ محمود قریشی کا کہنا تھا اعتزازاحسن کی رہنمائی اور دیگر جماعتوں کی مشاورت سے ایک بل مرتب کیا اوراس بل میں 9 جماعتوں کے نقاط شامل ہیں.

پی ٹی آئی کے رہنما کے مطابق اعتزاز احسن اس بل کو جب بھی سینیٹ میں پیش کریں گے تحریک انصاف ساتھ دےگی.ہم نے اس بل کو من و عن قبول کیا اور اس پر تائید کےلیے دستخط بھی ہیں.

انہوں نے کہا کہ ٹی او آر کمیٹی میں اب کوئی جان دکھائی نہیں دیتی، حکومت کی ہٹ دھرمی کے باعث ٹی او آر کمیٹی اپنی موت آپ مرگئی.

اس موقع پر پیپلزپارٹی کے رہنما اعتزازاحسن کا کہنا تھا کہ پاناما پیپرز سے متعلق تحریک انصاف اور پیپلزپارٹی کا موقف یکساں ہے،پاناما کے انکشافات میں جن کا نام آیا ہے ان کا یکساں ضابطوں پر احتساب ہو.

پیپلزپارٹی کے رہنما کا کہنا تھا کہ وزیراعظم کے بچوں کے نام آئے ہیں،ان کو نام کلیئر کرنے کا موقع پہلے ملنا چاہیے اور ساتھ ہی انکوائری کا آغاز وزیراعظم اور ان کے خاندان سے ہونا چا ہیے.

اعتزازاحسن نے مزید کہا کہ یہ ممکن نہیں کہ نوازشریف اور ان کے خاندان کی تحقیق ہو،ضابطہ بھی وہ خود بنائیں.

ان کا اس موقع پر کہنا تھا کہ شاہ محمود قریشی نے 3ستمبر کی ریلی میں شرکت کی دعوت دی ہےاس پر ہم مشاورت کریں گے اورپارٹی جو فیصلہ کرے گی اس سے تحریک انصاف کو آگاہ کر یں گے.

*متحدہ اپوزیشن کا پاناما لیکس پر پارلیمنٹ میں بل لانے کا اعلان

واضح رہے کہ گزشتہ ماہ پاناما تحقیقات کےلیے متحدہ اپوزیشن نے قومی اسمبلی میں بل لانے کا فیصلہ کیاتھا.

Print Friendly, PDF & Email

Comments

comments

یہ بھی پڑھیں