پاناما لیکس پر اپوزیشن کے ٹی او آرز موثر اور آئینی ہیں، آصف زرداری -
The news is by your side.

Advertisement

پاناما لیکس پر اپوزیشن کے ٹی او آرز موثر اور آئینی ہیں، آصف زرداری

لندن : سابق صدر آصف علی زرداری نے کہا ہے کہ پاناما لیکس کی تحقیقات کے لئے اپوزیشن کے ٹی او آرز موثر اور آئینی ہیں، پاناما لیکس کی ہر صورت تحقیقات ہونی چاہیئے۔

لندن میں سینیٹر بابر اعوان سے ملاقات کے دوران سابق صدر آصف علی زرداری کا کہنا تھا کہ پاناما لیکس کی تحقیقات کے لئے اپوزیشن کے ٹی او آرز موثر اور آئینی ہیں۔

ملاقات میں پاناما لیکس اور ملکی سیاسی صورتحال پر تفصیلی تبادلہ خیال کیا گیا، بابراعوان نے آصف زرداری کو پاناما لیکس پر اپوزیشن جماعتوں اور وکلاء کے موقف پر بریفنگ دی۔

اس موقع پر آصف زرداری کا یہ بھی کہنا تھا کہ پاناما لیکس کی ہر صورت تحقیقات ہونی چاہیئے انہوں نے مزید کہا کہ اس سال نومبر سے اگلے سال نومبر تک پیپلز پارٹی گولڈن جوبلی کا سال منائے گی۔

دوسری جانب گزشتہ روز پیپلز پارٹی کے رہنما مولا بخش چانڈیو کا کہنا تھا کہ پیپلز پارٹی ایسی کسی تحریک کا حصہ نہیں بنے گی جس سے جمہوریت خطرے میں پڑجائے۔

Comments

comments

یہ بھی پڑھیں