تازہ ترین

اپوزیشن متحد ہوگئی، مشترکہ کمیٹی تشکیل دینے کا فیصلہ

اسلام آباد: اپوزیشن نے مشترکہ سیاسی حکمت عملی ترتیب دے دی،  خصوصی کمیٹی قائم کردی گئی.

تفصیلات کے مطابق  اپوزیشن رہنماؤں کے مشترکہ اجلاس کے بعد اپوزیشن لیڈر شہبازشریف اور  پیپلزپارٹی کے چیئرمین بلاول زرداری نے میڈیا سے گفتگو کرتے ہوئے خصوصی کمیٹی کا اعلان کیا.

اپوزیشن کو دیوار سے لگایا جارہا ہے: شہباز شریف

شہباز شریف کا کہنا تھا کہ اپوزیشن جماعتوں کےاراکین میری دعوت پر آئے، بہت سے معاملات پراپوزیشن جماعتوں نے اتفاق کیا ہے.

اپوزیشن لیڈر نے کہا کہ ملک میں مہنگائی کا طوفان آچکا، بجلی اورگیس دستیاب نہیں، قیمتیں بھی بڑھ چکی ہیں، ایکسپورٹ کم ہوچکی ہے، روپےکی قدر30 فی صد تک کم ہوچکی ہے.

ان کا کہنا تھا کہ مہمند ڈیم میں‌ 309 ارب روپے کا منصوبہ سنگل بڈ پرایوارڈ کیا گیا، بڈ کے دوران پیپرا رولز کی خلاف ورزی کی گئی.

شہباز شریف کا کہنا تھا کہ اپوزیشن کو دیوارسے لگا کر چوراور ڈاکو کے القابات دیے جا رہے ہیں، ایسےالفاظ کہےجارہے ہیں، جنھیں زبان پربھی نہیں لایا جاسکتا، آج طے ہوا ہے کہ ملکی معاملات پر مشترکہ کمیٹی تشکیل دی جائے، جو ملکی، جمہوری اور معاشی صورتحال پرحکمت عملی طے کرے گی.

اب پارلیمان کے اندر  اور باہر مشترکہ اپوزیشن ہوگی: بلاول بھٹو

اس موقع پر بلاول بھٹو نے کہا کہ عوام کے انسانی اور جمہوری حقوق پر اپوزیشن سمجھوتا نہیں کرے گی، آج ان حقوق پر حملہ ہو رہا ہے، معیشت کاحال  سب کے سامنے ہے.

بلاول بھٹو نے کہا کہ اپوزیشن نے آج کمیٹی کے قیام کابہت اچھالائحہ عمل بنایا ہے، اب پارلیمان کے اندر اور باہر مشترکہ اپوزیشن ہوگی، پیپلزپارٹی کا مؤقف پوری اپوزیشن کا مؤقف بنے گا.

ان کا کہنا تھا کہ پیپلز پارٹی کوشش کرے گی  کہ اپوزیشن جماعتیں فوجی عدالتوں کے معامالے پر متفقہ فیصلہ کرے، کمیٹی اظہاررائے کی آزادی پربھی کام کرے گی.

آصف علی زرداری کا موقف

قبل ازیں جب آصف علی زرداری سے ایک صحافی نے سوال کیا کہ اپوزیشن کا اتحاد ہوگا؟ تو انھوں نے جواب دیا کہ آج اپوزیشن جماعتوں کا اتحاد ہوگیا ہے.

Comments

- Advertisement -