ہفتہ, فروری 8, 2025
اشتہار

تحریک انصاف کا ڈی چوک پر جلسہ، اپوزیشن کی بھی کارکنوں کو تیاررہنے کی ہدایت

اشتہار

حیرت انگیز

اسلام آباد : تحریک انصاف کے ڈی چوک پر جلسے کے اعلان کے بعد اپوزیشن نے بھی کارکنوں کو تیاررہنے کی ہدایت کردی۔

تفصیلات کے مطابق تحریک انصاف کے ڈی چوک پر جلسے کے اعلان کے بعد اپوزیشن نے بھی ڈی چوک پر جلسے کا فیصلہ کرلیا۔

صدرمسلم لیگ(ن) پنجاب رانا ثنااللہ نے صوبائی ،ڈویژنل اورضلعی عہدیداروں کو تیار رہنے کی ہدایت کرتے ہوئے کہا ڈی چوک میں عوامی قوت دکھائیں گے۔

رانا ثنااللہ نے پیغام میں کہا کہ جیسے ہی پارٹی کال دے،ڈی چوک کی طرف چل پڑیں، پاکستان مسلم لیگ ن بھی ڈی چوک میں جلسہ کرے گی۔

دوسری جانب مولانا فضل الرحمان کی بھی کارکنوں کو تیار رہنے کی ہدایت کرتے ہوئے کہا کارکنان کال ک انتظار کریں۔

واضح رہے کہ پاکستان تحریک انصاف نے تحریک عدم اعتماد کے روز اسلام آباد میں بھرپور طاقت کا مظاہرہ کرنے کا فیصلہ کرلیا ہے۔

ذرائع کا کہنا تھا کہ اسلام آباد، راولپنڈی اور چکوال کے ارکان اسمبلی سے ملاقاتوں میں حتمی پروگرام ترتیب دیا گیا جبکہ وزیر اعظم نے اسلام آباد کی تنظیم کو میزبانی کا ٹاسک سونپ دیا۔

ذرائع کے مطابق وزیراعظم عمران خان نے پارٹی رہنماؤں کو اسلام آباد میں10 لاکھ لوگوں کو جمع کرنے کا ٹاسک دیا ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں