The news is by your side.

اورنج لائن میٹرو ٹرین: بزرگ اور خصوصی افراد مفت سفر کر سکیں گے

لاہور: پنجاب حکومت نے اورنج لائن میٹرو ٹرین میں بزرگوں اور خصوصی افراد کو مفت سفر کی سہولت دینے کا فیصلہ کیا ہے۔

تفصیلات کے مطابق وزیر اعلیٰ پنجاب چوہدری پرویز الہٰی کی زیر صدارت اجلاس میں فیصلہ کیا گیا ہے کہ خواتین اور طلبہ کو اورنج میٹرو ٹرین کے کرائے میں رعایتی پیکج دیا جائے گا، جب کہ بزرگ اور خصوصی افراد مفت سفر کر سکیں گے۔

اجلاس میں اورنج لائن میٹرو ٹرین کا کرایہ اسٹیج وائز مقرر کرنے کا اصولی فیصلہ بھی کیا گیا، ٹرین کو سولر انرجی پر منتقل کرنے کا جائزہ لینے کے لیے ایڈوائزری کمیٹی بھی تشکیل دی گئی۔

پرویز الہٰی نے کہا اورنج لائن میٹرو ٹرین کے اسٹیشنز پر بھی سولر سسٹم لگائے جائیں گے، اور الیکٹرک بسوں کا پہلا پائلٹ پراجیکٹ لاہور میں شروع کیا جائے گا، عوام کو جدید ترین ماحول دوست بسوں میں سفر کی بہترین سہولتیں فراہم کریں گے۔

اجلاس میں لاہور ویسٹ مینجمنٹ کمپنی کے کنٹریکٹ آؤٹ سورس کرنے کا معاملہ ایڈوائزری کمیٹی کے سپرد کر دیا گیا۔

Comments

یہ بھی پڑھیں