اورنج لائن منصوبہ، پنجاب حکومت سپریم کورٹ سے رجوع کرے گی -
The news is by your side.

Advertisement

اورنج لائن منصوبہ، پنجاب حکومت سپریم کورٹ سے رجوع کرے گی

لاہور : وزیراعلی پنجاب میاں شہباز شریف نے اورنج لائن منصوبے پر سپریم کورٹ سے رجوع کرنے کا اعلان کردیا۔

تفصیلات کے مطابق اورنج لائن ٹرین منصوبے کیخلاف ہائیکورٹ کے حکم امتناعی کیخلاف پنجاب حکومت نے سپریم کورٹ میں اپیل دائر کرنے کا فیصلہ کیا ہے۔

اس حوالے سے وزیراعلی پنجاب میاں شہباز شریف نے رائے ونڈ میں فلائی اوور کا سنگ بنیاد رکھنے کی تقریب کے بعد میڈیا سے گفتگو کرتے ہوئے کہا کہ اورنج لائن منصوبے پرعدالتی فیصلے کا احترام کرتے ہیں۔ فیصلے پر سپریم کورٹ سے رجوع کریں گے۔

شہباز شریف کا کہنا تھا کہ اس منصوبے کو ہر صورت میں مکمل کیا جائے گا کیونکہ یہ عوامی مفاد کا منصوبہ ہے۔ انہوں نے منصوبے کو عوامی مفاد میں قرار دیتے ہوئے کہا کہ اس سے یومیہ تین لاکھ افراد کو فائدہ پہنچے گا۔

مزید پڑھیں : اورنج لائن منصوبہ: لاہور ہائیکورٹ نے تاریخی عمارتوں کے قریب تعمیرات سے روک دیا

واضح رہے کہ لاہور ہائیکورٹ نے تاریخی عمارات متاثر ہونے کی وجہ سے ان سے 200 فٹ دور تعمیرات روکنے کا حکم دیا تھا جس کی وجہ سے اس منصوبے کو شالامار باغ اور چوبرجی کے نزدیک روک دیا گیا ہے۔

عدالت نے محکمہ آثار قدیمہ کی جانب سے جاری کیے جانے والے تمام این او سی کالعدم قرار دے دیئے، عدالت نے منصوبے سے ہونے والی ممکنہ ماحولیاتی آلودگی کے خلاف دائر تمام درخواستیں بھی مسترد کر دیں۔

 

Comments

comments

یہ بھی پڑھیں