The news is by your side.

Advertisement

اورنج لائن منصوبہ: عدالتی فیصلے کے خلاف حکومتی اپیل کا ڈرافٹ تیار

لاہور: اورنج لائن ٹرین منصوبے سے متعلق لاہور ہائی کورٹ کے فیصلے کے خلاف سپریم کورٹ میں دائر کی جانے والی اپیل کا ڈرافٹ تیار کر لیا گیا جسے منظوری کے لیے وزیراعلی پنجاب کو بھجوا دیا گیا ہے۔

ذرائع کے مطابق سابق ایڈووکیٹ جنرل پنجاب خواجہ حارث نے اپیل تیار کر لی ہے جو وزیر اعلیٰ کی منظوری کے بعد سپریم کورٹ میں دائر کردی جائے گی۔ اپیل کے مطابق پنجاب حکومت نے موقف اختیار کیا ہے کہ اورنج لائن ٹرین منصوبے کے لیے حاصل کی گئی اراضی کے لیے تمام قواعد و ضوابط پورے کیے گئے،پی سی ون، پی سی ٹو اور پی سی تھری بھی قانون کے مطابق ہی تیار کیے گئے۔

اپیل میں‌ کہا گیا ہے کہ لاہور ہائی کورٹ نے اپنے فیصلے میں پی سی ون، پی سی ٹو اور پی سی تھری مسترد قرار دینے کی وجوہات بیان نہیں کیں، پنجاب حکومت کے مطابق عدالت عالیہ کے فیصلے کی وجہ سے چائنیز بینک نے قرضے کی اقساط روک لی ہیں جس کی وجہ سے قرضہ بڑھ رہا ہے اور قرضے کی اقساط بھی واپس کرنے میں مشکلات پیش آتی ہیں،لاہور ہائی کورٹ کے اورنج لائن ٹرین منصوبے سے متعلق فیصلے میں ابہام پائے جاتے ہیں۔

مزید کہا گیا ہے کہ پالیسی معاملات میں عدالتیں مداخلت نہیں کر سکتیں، اورنج لائن ٹرین وسیع تر منصوبہ مفاد عام کا منصوبہ ہے،اورنج لائن ٹرین منصوبہ، مستقبل کے میگا پراجیکٹس کے لیے ایک ٹیسٹ کیس ہے، میگا پراجیکٹ، مستقبل کے بڑے منصوبوں کے بارے میں ترجیحات طے کرے گا, اپیل میں سپریم کورٹ سے استدعا کی گئی ہے کہ اورنج لائن ٹرین منصوبے سے متعلق ہائی کورٹ کا فیصلہ کالعدم قرار دیا جائے۔

Print Friendly, PDF & Email

Comments

comments

یہ بھی پڑھیں