site
stats
سندھ

اورنگی ٹاؤن : دو خواتین کا قتل، ملزمان کا عدالت میں اعتراف جرم سے انکار

کراچی : اورنگی ٹاؤن میں دو خواتین کے قتل کیس کی سماعت ہوئی جس میں ملزمان نے اعترافی بیان دینے سے انکار کردیا۔

تفصیلات کے مطابق کراچی کی عدالت میں اورنگی ٹاؤن میں بہن بھابھی قتل کیس کی سماعت ہوئی، سماعت کے دوران ملزمان نے اعترافی بیان دینے سے انکار کردیا۔

قتل کے الزام میں گرفتارملزمہ فہیمہ اور ملزم انیس نے اعتراف جرم کرنے کی بجائے ایک دوسرے پر قتل کرنے کے الزامات لگانے شروع کردئیے۔

عدالت نے اقبالی بیان سے انکار پر دونوں ملزمان کو پولیس کے حوالے کردیا، ملزمہ فہیمہ نے قتل کا الزام ملزم انیس پر عائد کرتے ہوئے کہا کہ ملزم انیس نے نشہ آور دوا کی مقدار میں اضافہ کیا۔

اورنگی ٹاؤن میں رشتہ نہ دینے پرتنازعہ، دوخواتین کا قتل

ملزمہ نے الزام عائد کیا کہ اس کی بہن اور بھابھی کو ملزم انیس نے قتل کیا ہے میں نے نہیں، ملزمہ فہیمہ نے کہا کہ ملزم انیس اس پر جھوٹا الزام لگارہا ہے۔

واضح رہے کہ پانچ روز قبل اورنگی ٹاؤن سیکٹر 14 شاہ فیصل چوک میں رشتے کے تنازعے پر دو خواتین سنبل اور صدف کو تیز دھار آلے سے قتل کیا گیا تھا۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top