site
stats
سندھ

اورنگی ٹاؤن میں پولیس اہلکاروں کے قتل کا مقدمہ نامعلوم افراد کیخلاف درج

کراچی : گزشتہ روز کراچی کے علاقے اورنگی ٹاؤن میں سات پولیس اہلکاروں کے قتل کا مقدمہ درج کر کے تحقیقات شروع کردی گئی۔ مختلف علاقوں سے خاتون سمیت سات مشتبہ افراد کو پوچھ گچھ کیلئے حراست میں لے لیا گیا۔

تفصیلات کے مطابق اورنگی ٹاؤن میں پولیس اہلکاروں کے المناک قتل کا مقدمہ درج کرلیا گیا، قانون نافذ کرنے والے ادارے تحقیقات کیلئے حرکت میں آگئے۔

کاؤنٹر ٹیررازم ڈیپارٹمنٹ (سی ٹی ڈی) نے شیریں جناح کالونی، نیلم کالونی اور ڈیفنس سے خاتون سمیت سات مشتبہ افرادکو حراست میں لے کر تفتیش شروع کردی۔

سات پولیس اہلکاروں کے قتل کا مقدمہ ایس ایچ اوتھانہ پاکستان بازارکی مدعیت میں سی ٹی ڈی گارڈن ہیڈ کوارٹرمیں نامعلوم افراد کیخلاف درج کرلیاگیا۔

ایف آئی آر میں قتل، اقدام قتل اور دہشت گردی کی دفعات شامل کی گئی ہیں۔ پولیس کے مطابق واردات کی مختلف پہلوؤں سے تفتیش کی جارہی ہے۔

اورنگی ٹاؤن میں جائےوقوعہ کےدورے کےبعد میڈیا سےبات کرتے ہوئے ڈی جی رینجرز بلال اکبر نےکہا کہ پولیس کے بہادر جوان پولیو ورکرز کو بچاتےہوئےشہیدہوئے۔

آئی جی سندھ اےڈی خواجہ نے پریس کانفرنس میں بتایا کہ پولیس اہلکاروں پرحملہ کرنیوالےگروپ کی نشاندہی ہوگئی ہے۔

آئی جی سندھ کاکہنا تھاکہ حملےمیں استعمال ہونیوالے اسلحے سے پہلےبھی وارداتیں کی جاچکی ہیں۔ علاوہ ازیں اورنگی ٹاؤن میں سات پولیس اہلکاروں کی شہادت کے واقعے پر آرمی چیف جنرل راحیل شریف نے اپنے گہرے دکھ اوررنج کا اظہار کیا ہے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top