سپریم کورٹ نے پی آئی اے ملازم کو 24 سال کی پنشن ادا کرنے کا حکم دے دیا۔
عدالت نےایم ڈی پی آئی اے کو ذاتی حیثیت میں طلب کر لیا ہے۔ سابق ملازم پی آئی اے مصطفی انصاری کی جانب سےدرخواست دائر کی گئی تھی۔
درخواست گزار کے وکیل نے کہا کہ میرے موکل کو 2002 میں اسکیم کے تحت ریٹائرڈ کیا گیا اور سندھ ہائیکورٹ کےحکم پر پنشن سمیت دیگر مراعات فراہم کی گئیں تاہم گزشتہ 24سال کے بقایاجات ادا نہیں کیے جا رہے۔
جسٹس شاہدوحید نے پوچھا کہ کیا ملازم کو پنشن ادا نہ کرنے کا کوئی قانون ہے؟ جس پر وکیل نے جواب دیا کہ سب ملازم پنشن لے رہے ہیں۔
وکیل پی آئی اے نے عدالت کو بتایا کہ پنشن دینے کے بارے میں ادارے سے ہدایات لینا ہوں گی۔
عدالت نے ملازم کو 24 سال کی پنشن ادا کرنے کا حکم دیتے ہوئے کہا کہ آئندہ سماعت سے پہلے پنشن ادا نہ ہوئی تو ایم ڈی خود پیش ہوں۔
سپریم کورٹ نے سماعت 23اپریل تک ملتوی کر دی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں