The news is by your side.

Advertisement

کیلیفورنیامیں بند ٹوٹنے کا خطرہ‘ دولاکھ افراد کوعلاقہ چھوڑنے کا حکم

کیلیفورنیا: امریکی ریاست کیلیفورنیا میں حکام نے بند ٹوٹنے کے خطرے کے پیش نظرمقامی ایک لاکھ 80 ہزار افراد کو علاقہ چھوڑنے کا حکم دے دیا۔

حکام کا کہنا ہے کہ 770 فٹ بلند اوروول ڈیم سے پانی کے اخراج کا ہنگامی راستہ ٹوٹنے کے قریب ہے۔ کئی برسوں کی شدید خشک سالی کے بعد ریاست کیلیفورنیا میں تیز بارش اور برف باری کے نتیجے میں پانی کے ذخائر میں پانی کی سطح مسلسل اونچی ہو رہی ہے۔

شدید بارشوں کے بعد اوروول ڈیم بھر چکا ہے اور وہ کہیں کہیں سے چھلکنے بھی لگا تھا تاہم اب پانی کا اخراج بند ہو چکا ہے۔ حکام کے مطابق پانی کا اخراج رکنے کے باوجود عوام کے انخلا کا حکم برقرار ہے۔

برطانوی نشریاتی ادارے بی بی سی کے مطابق سماجی رابطے کی سائٹ پر پوسٹ کیے جانے والے اپنے ایک پیغام میں جھیل کے علاقے کے شیرف نے وہاں کے رہائشیوں سے اپنے مکانات خالی کرنے کے لیے کہا ہے اور یہ بھی کہا ہے کہ یہ کوئی مشق نہیں ہے بلکہ ناگہانی صورت حال ہے۔

انجینیئروں نے جب یہ دیکھا کہ پانی کی نکاسی کے ایک مقام سے کنکریٹ کا ایک بڑا حصہ غائب ہے تو انھوں نے جمعرات سے پانی چھوڑنا شروع کیا۔

Print Friendly, PDF & Email

Comments

comments

یہ بھی پڑھیں