The news is by your side.

ویڈیو: ’اپیل نہیں کرو گے تو آؤٹ بھی نہیں ملے گا‘ انگلینڈ کے کپتان اور امپائر کے درمیان دلچسپ واقعہ

 میلبرن: آسٹریلیا انگلینڈ میچ کے دوران دلچسپ صورتحال اس وقت پیش آئی جب  اسٹون کی گیند پر اسمتھ کیچ آؤٹ ہوئے، مگر اپیل نہ کی گئی تو انگلش کپتان ریویو لینے لگے تو امپائر نے انگلی اُٹھادی مزاحیہ واقعےپر کمنٹیٹرز اپنی ہنسی نہ روک سکے۔

ہوا کچھ یوں کہ انگلش بولر اسٹون نے آسٹریلوی کرکٹر اسٹیو اسمتھ کو گیند کرائی جس پر گیند اسمتھ کے بلے کو چھوتی ہوئی وکٹ کیپر جوز بٹلر کے ہاتھ جا لگی لیکن اس آؤٹ پر سامنے کھڑے امپائر پال ولسن بے خبری کے عالم میں ادہر اُدہر دیکھتے رہے۔

جوز بٹلرنے ایج لگنے پر پہلے انتہائی محتاط انداز میں آؤٹ کا کہا لیکن امپائر کا ردعمل نہ آنے پر انہوں نے فوری ڈی آر ایس کا اشارہ کیا اور بار بار آؤٹ کی اپیل کی جس پر امپائر پال ولسن نے بھی آؤٹ دیتے ہوئے انگلی کھڑی کردی اور دو سے تین مرتبہ آؤٹ کہا۔

واضھ رہے کہ آسٹریلیا میں کھیلی گئی ون ڈے سیریز میں آسٹریلیا نے ٹی ٹوئنٹی ورلڈ چیمپئن انگلینڈ کو تین صفر سے شکست دی جس کے آخری میچ میں مہمان ٹیم اور امپائر کے درمیان ایک دلچسپ واقعہ اس وقت پیش آیا۔

Comments

یہ بھی پڑھیں