لاس اینجلس : فلمی دنیا کے سب سے بڑے ایوارڈ ” آسکر "کا میلہ آج لاس اینجلس میں سجے گا، بہترین فلم ایوارڈ میلے میں دنیا کی نو فلمیں جیت کی دوڑ میں شامل ہیں۔
تفصیلات کے مطابق فلمی دنیا کے سب سے معتبر مانے جانے والے آسکر ایوارڈ کا نواسی واں میلہ آج رات امریکا کے شہر لاس اینجلس میں سجایا جائے گا، آسکر کے لئے بہترین فلم کی دوڑ میں نو فلمیں میدان میں ہیں۔
آسکر ایوارڈ میں چودہ نامزدگیوں کے ساتھ فلم لا لا لینڈ سب سے آگے ہے ، دوسری جنگ عظیم کی سچی کہانی پر مبنی فلم ،ہیکسا ریج، بھی لوگوں کی فیورٹ ہے فلم ،مانچسٹر بائی دا سی، کے ہیرو کیسے ایفلیک بہترین اداکار وں کی فہرست میں سب سے اوپر ہیں۔
فلم فینسز کے مرکزی ہیرو ڈینزل واشنگٹن ٹف ٹائم دیں گے، فلم لالا لینڈ کی ہیروئن ایما سٹون بھی بہترین اداکارہ کے لیے ہاٹ فیورٹ ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں