لاس اینجلس: 92 ویں اکیڈمی ایوارڈز کی تقریب میں تاریخ رقم ہوگئی، پہلی بار کورین زبان کی فلم ’پیرا سائٹ‘ بہترین فلم قرار دے دی گئی، واکین فینکس کو بہترین اداکار کا ایوارڈ دیا گیا۔
92 ویں آسکر ایوارڈز کا میلہ امریکی شہر لاس اینجلس میں سجا، تقریب میں اپنی صلاحیتوں کے بہترین جوہر دکھانے والے فنکاروں کو ایوارڈز سے نوازا گیا۔
رواں برس پہلی بار بیسٹ پکچر کا اعزاز ایک غیر ملکی زبان یا انگریزی کے علاوہ کسی اور زبان کی فلم ’پیرا سائٹ‘ کے حصے میں آیا، کورین زبان کی فلم یہ اعزاز پانے والی پہلی غیر ملکی فلم بن گئی۔
#Oscars Moment: @ParasiteMovie wins for Best Picture. pic.twitter.com/AokyBdIzl5
— The Academy (@TheAcademy) February 10, 2020
پیرا سائٹ نے بیسٹ پکچر سمیت 4 آسکر ایوارڈز جیتے جن میں بہترین ہدایتکار (بونگ جون ہو)، بہترین فیچر اور بہترین اوریجنل سکرین پلے کا ایوارڈ شامل ہے۔
بہترین اداکار کا ایوارڈ فلم ’جوکر‘ میں لازوال اداکاری دکھانے والے واکین فینکس کو دیا گیا۔ پرتشدد ذہنی مریض کا کردار ادا کرنے پر فینکس گزشتہ برس بافٹا اور گولڈن گلوب ایوارڈ بھی جیت چکے ہیں۔
#Oscars Moment: Joaquin Phoenix wins Best Actor for his work in @jokermovie. pic.twitter.com/M8ryZGKGHV
— The Academy (@TheAcademy) February 10, 2020
جوکر کو 11 مختلف کیٹگریز میں نامزد کیا گیا تھا تاہم وہ بہترین اداکار کے علاوہ صرف بہترین میوزک کا ایوارڈ ہی حاصل کرسکی۔
بہترین اداکارہ کا اکیڈمی ایوارڈ رینی زیل ویگر نے فلم جوڈی میں بہترین اداکاری پر حاصل کیا۔ بہترین معاون اداکار کا ایوارڈ بریڈ پٹ کو ونس اپان اے ٹائم ان ہالی وڈ میں اداکاری پر دیا گیا۔
#Oscars Moment: Renée Zellweger wins Best Actress for her work in @JudyGarlandFilm. pic.twitter.com/ZkciWT0d2u
— The Academy (@TheAcademy) February 10, 2020
