The news is by your side.

Advertisement

ویسٹ انڈیز کے سابق فاسٹ بولر اوٹس گبسن بنگلہ دیش کے بولنگ کوچ مقرر

ڈھاکا: بنگلہ دیش کرکٹ بورڈ نے ویسٹ انڈیز کے سابق فاسٹ بولر اوٹس گبسن کو ٹیم کا بولنگ کوچ مقرر کردیا۔

تفصیالت کے مطابق بنگلہ دیش کرکٹ بورڈ نے سابق ویسٹ انڈین فاسٹ بولر کو بنگلہ دیش کرکٹ ٹیم کا بولنگ کوچ تعینات کردیا، گبسن نے بنگلہ دیش بورڈ کے ساتھ 2 سال کا معاہدہ کیا ہے۔

نئے بولنگ کوچ اوٹس گبسن پاکستان کے خلاف ٹی ٹوینٹی سیریز کے لیے ٹیم کے ہمراہ پاکستان بھی آئیں گے۔

واضح رہے کہ بنگلہ دیش کی ٹیم پاکستان کے خلاف تین ٹی ٹوینٹی میچز کی سیریز کے لیے آج پاکستان پہنچیں گے، پی سی بی کی جانب سے سیریز کے لوگو کی رونمائی کردی گئی ہے۔

یاد رہے کہ پاکستان اور بنگلہ دیش کے درمیان پہلا ٹی ٹوینٹی میچ 24 جنوری کو لاہور کے قذافی اسٹیڈیم میں کھیلا جائے گا جبکہ دوسرا ٹی ٹوینٹی 25 اور آخری میچ 27 جنوری کو ہونا ہے۔

بنگلہ دیشی کرکٹ ٹیم کی قیادت محمود اللہ کریں گے جبکہ پاکستان ٹیم کے کپتان بابر اعظم ہوں گے۔

دونوں کرکٹ بورڈز کی جانب سے ٹیموں کا اعلان کردیا گیا ہے، قومی ٹیم میں تجربہ کار محمد حفیظ اور شعیب ملک کی واپسی ہوئی ہے جبکہ حیران کن طور پر محمد عامر کو ڈراپ کردیا گیا ہے۔

fb-share-icon0
Tweet 20

Comments

comments

یہ بھی پڑھیں