The news is by your side.

Advertisement

ہمارے نمبرز پورے، عمران خان اپنے 12 لوگوں پر نظر رکھیں، ن لیگ

مسلم لیگ ن لیگ کی ترجمان مریم اورنگزیب نے کہا ہے کہ ہمارے تو نمبرز پورے ہیں، عمران خان اپنے 12 لوگوں پر نظر رکھیں۔

ن لیگ کی پارلیمانی پارٹی کے مشاورتی اجلاس کے بعد میڈیا کو بریفنگ دیتے ہوئے مریم اورنگزیب نے کہا کہ شہباز شریف نےن لیگ کی پارلیمانی پارٹی کااجلاس بلایا تھا جس میں ن لیگ کے84ارکان شریک ہوئے اور پارلیمانی پارٹی نے صدر ن لیگ کومکمل فیصلے کا اختیار دیدیا ہے۔

انہوں نے مزید کہا کہ ن لیگ میدان میں ڈٹ کر کھڑی ہے اور اپوزیشن کےساتھ تحریک عدم اعتماد کامیاب بنائےگی، پارلیمانی پارٹی نےقومی اسمبلی اجلاس فوری بلانے کا کہا ہے۔

ترجمان ن لیگ نے کہا کہ نمبرگیم ہماری تحریک عدم اعتمادجمع کرانےسے پہلے ہی پوری تھی، عمران خان کی تقریرمیں عیاں ہے وہ گھرجانےوالےہیں اور تحریک عدم اعتماد والےدن انہیں پارلیمنٹ جانےکی ضرورت نہیں پڑے گی۔

مریم اورنگزیب نے یہ بھی کہا کہ عشایے میں ہمارے لوگ تو پورے تھے، عمران خان اپنے 12 لوگوں پر نظر رکھیں اور اپنی فکر کریں۔

انہوں نے کہا کہ اس عدم اعتماد کوصرف پاکستان کےعوام چلا رہے ہیں، عوام کی مرضی اورترجمانی پرتحریک عدم اعتمادلائی جارہی ہے۔

مریم اورنگزیب کا یہ بھی کہنا تھا کہ کسی آرٹیکل63 میں پارلیمنٹ جانےوالے کو نااہل کرنے کا نہیں لکھا، ارکان اپنا اختیار استعمال کرلیں اس کے بعد ان کیخلاف کارروائی ہوسکتی ہے۔

واضح رہے کہ قومی اسمبلی سیکریٹریٹ نے اپوزیشن کی وزیراعظم کیخلاف تحریک عدم اعتماد ضابطے کے مطابق قرار دے دی ہے۔

مزید پڑھیں: وزیراعظم کےخلاف تحریک عدم اعتماد ضابطے کے مطابق قرار

ذرائع کا کہنا ہے کہ قومی اسمبلی کے شعبہ قانون سازی نے تمام ضوابط پورے کرنے کے بعد فائل اسپیکر کو بھجوا دی ہے، ساتھ ہی اسپیکر قومی اسمبلی کو 22 مارچ سے قبل کسی بھی دن اجلاس بلانے کی تجویزدے دی گئی ہے۔

Comments

یہ بھی پڑھیں