The news is by your side.

Advertisement

ہماری ترجیح زندگیوں کو بچانا ہے، بلاول بھٹو

لاڑکانہ: چیئرمین پیپلزپارٹی بلاول بھٹو زرداری کا کہنا ہے کہ ہماری ترجیح زندگیوں کو بچانا ہے۔

تفصیلات کے مطابق پیپلزپارٹی کے سربراہ بلاول بھٹو زرداری کو لاڑکانہ میں نو ڈیرو ہاؤس آمد پر کرونا وائرس سے متعلق اقدامات پر بریفنگ دی گئی۔

اس موقع پر بلاول بھٹو زرداری کا کہنا تھا کہ عوام لاک ڈاؤن کے حکومتی فیصلے پر مکمل عمل درآمد کریں، سماجی فاصلے سے کرونا کی وبا کا مقابلہ کرسکتے ہیں۔انہوں نے مزید کہا کہ ہماری ترجیح زندگیوں کو بچانا ہے۔

دوسری جانب کمانڈ اینڈ کنٹرول سینٹر کے مطابق 24 گھنٹے کے دوران پاکستان میں 76 نئے کیس رپورٹ ہوئے، پنجاب میں کرونا وائرس کے سب سے زیادہ 845 کیسز ہیں جبکہ سندھ میں کروناوائرس کے کیسز کی تعداد 743 ہوگئی ہے۔

مستحق افراد کی امداد کے حوالے سے کوئی کوتاہی برداشت نہیں کروں گا، بلاول بھٹو

اس سے قبل گزشتہ ہفتے چیئرمین پیپلزپارٹی بلاول بھٹو زرداری کا کہنا تھا کہ مستحق افراد کی امداد کے حوالے سے کوئی کوتاہی برداشت نہیں کروں گا۔

چیئرمین پیپلزپارٹی کا کہنا تھا کہ ایسا نظام بنانا ہوگا کہ سب ایک پلیٹ فارم سے مستحقین کی مدد کریں، سندھ حکومت مخیر حضرات، فلاحی اداروں کے ساتھ مشترکہ لائحہ عمل بنائے، مخیر حضرات،فلاحی ادارے مستحق افراد کی مدد کے لیے حکومت کے بازو بنیں۔

Comments

یہ بھی پڑھیں