The news is by your side.

Advertisement

کچرا، بارشیں اور تعفن، کراچی میں وبائی امراض پھیلنے کا خدشہ

کراچی: کچرے کے ڈھیر، تعفن اور بارش کی تباہ کاریوں کے بعد شہر میں‌ وبائی امراض پھیلنے کا خدشہ پیدا ہوگیا.

تفصیلات کے مطابق بارش کے بعد بھینس کالونی میں درجنوں جانور مرنے لگے، علاقے کی فضا میں تعفن پھیل گیا.

بھینس کالونی کی سڑکوں پر قدم قدم پرمردہ جانور پڑے ہیں، لاشیں سڑنے لگیں، رہائشی علاقوں میں پھینکے گئےمردہ جانوروں کے تعفن نے سانس لینا دشوار کر دیا.

ڈی ایم سی ملیرانتظامیہ نے مردہ جانوروں کوتلف کرنےکے بجائےمٹی ڈال کر جان چھڑا لی. علاقہ مکیوں کا کہنا ہے کہ فوری طورپرمردہ جانورنہ اٹھائے گئے، تو خطرناک بیماریاں پھیل سکتی ہیں.

مزید پڑھیں: کراچی کے کچرے سے پریشان خاتون بھڑک اٹھیں، ویڈیو وائرل

دوسری جانب بارش گزر گئی، لیکن شہر قائد کی کئی سڑکیں اب بھی تالاب بنی ہوئی ہیں، کئی علاقوں‌ میں پانی کھڑا ہے، جن میں مچھروں اور مکھیوں کی افزائش ہورہی ہے۔

کورنگی کراسنگ اور کازوے بارشوں سے شدید متاثر ہوئے، اب بھی عوام کو سفر کے دوران شدید پریشان کا سامنا ہے.

نالوں کے قریب علاقوں میں سیوریج کا پانی کھڑا ہے، اسکول کے بچوں اور نمازیوں‌کا شدیا اذیت کا سامنا ہے.

Comments

comments

یہ بھی پڑھیں