The news is by your side.

Advertisement

اوول ٹیسٹ: دوسرا روز، پاکستان کے چھ وکٹوں پر340 رنز

اوول : پاکستان اور انگلینڈ کے درمیان جاری اوول ٹیسٹ کا دوسرا روز پاکستان کےنام رہا، چوتھے ٹیسٹ میں پاکستان نے اپنی گرفت مضبوط کرتے ہوئے انگلینڈ کی برتری ختم کردی۔

پاکستان نے چھ وکٹوں کے نقصان پر تین سو چالیس رنز بنا لیے، یونس خان اورسرفرازاحمد وکٹ پر ناٹ آؤٹ موجود ہیں۔

MATCH POST 1

تفصیلات کے مطابق اوول ٹیسٹ میں شاہینوں نے شاندار کم بیک کیا۔ پاکستان کی نہ چلنے والی بیٹنگ چل گئی۔ دوسرے روز وائٹ واچ مین یاسرشاہ اوراظہرعلی نے کھیل کا آغاز کیا تو پراعتماد بیٹنگ کی۔

یاسرشاہ چھبیس رنزبنا کرآؤٹ ہوئے۔ اظہرعلی ایک رن کی کمی سے نصف سنچری بنانے میں ناکام رہے۔ ایک سو ستائیس رنز پر پاکستان کی تین وکٹیں گرچکی تھیں، آؤٹ آف فارم یونس خان اوراسد شفیق وکٹ پر آئے اورڈٹ گئے۔

MATCH POST 2

اسد شفیق اوریونس خان نے بولرز کی جم کر پٹائی کی۔ ایک سو پچاس رنزکی شراکت جوڑ کرمیچ پر اپنی گرفت مضبوط کی۔ پہلےاسد شفیق نے کیرئیر کی نویں سنچری بنائی۔ پھریونس خان نےقسم توڑ دی اورسنچری بنا ڈالی۔

اسد شفیق ایک سو نو رنزبنا کراسٹیون فن کی گیند پرآؤٹ ہوئے۔ کرس ووکس نے ایک اوورمیں پہلے مصباح اور پھر افتخاراحمد کو آؤٹ کیا۔

دوسرے دن کے کھیل کےاختتام پر پاکستان نے چھ وکٹ پرتین سو چالیس رنز بنا لئے ۔ پاکستان کو انگلینڈ پربارہ رنزکی برتری حاصل ہے، یونس خان ایک سو ایک اور سرفراز سترہ رنزپرناٹ آؤٹ ہیں۔

 

Print Friendly, PDF & Email

Comments

comments

یہ بھی پڑھیں