site
stats
سندھ

پاکستان کسٹم کے شعبہ پریوینٹیو کی پی آئی اے کے طیارے میں کارروائی،دوکلو ہیروئن برآمد

کراچی: پاکستان کسٹم کے شعبہ پریوینٹیو کی پی آئی اے کے طیارے میں کارروائی کرتے ہوئے مزید 2کلوگرام ہیروئن برآمد کی،مذکورہ طیارے سے چند روز قبل بھی کسٹم حکام نے 9بیگز میں چھپائی گئی 27کلوگرام ہیروئن اپنی تحویل میں لی تھی.

تفصیلات کے مطابق کلکٹر آف کسٹم زاہد کھوکھر نے کراچی میں میڈیا بریفنگ کے دوران کہا کہ کسٹم حکام نے خفیہ اطلاع پر ایڈیشنل کلکٹر سید اسد رضا رضوی،ڈپٹی کلکٹر علی رضا ترابی کی سربراہی میں اصفہانی ہینگر اولڈ ٹرمینل جناح انٹرنیشنل ایئرپورٹ کراچی پر کھڑےپی آئی اےکے بوئنگ طیارے کی دوبارہ تلاشی لی.

پی آئی اےکے بوئنگ طیارے کی تلاشی کے دوران دو کلوگرام کے 2 پیکٹ برآمد کرلیے جن میں اعلیٰ کوالٹی کی براون ہیروئن موجود تھی.

واضح رہے کہ پچیس مئی 2016 کو کسٹم حکام نے اسی طیارے سے 27کلوگرام اعلیٰ کوالٹی کی ہیروئن برآمد کی تھی.

کسٹم حکام نے ایک دوسری کارروائی میں پی آئی اے کے طیارے میں لانڈری کے کموڈ میں بیگ سے 700گرام ہیروئن برآمد کرلی،اس ضمن میں ایئر پورٹ پر تعینات اسی سے زائد ملازمین کے بیانات کو قلم بند کر لیاگیا.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top