پاکپتن : صوبہ پنجاب کے شہر پاکپتن میں تیز رفتار ٹریکٹر ٹرالر نے موٹرسائیکل پرسوار خاندان کو کچل دیا،حادثے کے نتیجے میں ماں جاں بحق اور باپ بیٹا شدید زخمی ہوگئے۔
تفصیلات کے مطابق پاکپتن کے محلہ سید جلال کے رہائشی چالیس سالہ ریاض اپنی بیوی بشریٰ بی بی اور چھ سالہ بیٹے احمد کے ہمراہ موٹر سائیکل پر آرہا تھا کہ نیو ریلوے پھاٹک کے قریب تیز رفتار ٹرالر نے موٹرسائیکل سواروں کو کچل دیا۔
حادثے کے نتیجے میں میاں بیوی اور ان کے بیٹا شدید زخمی ہوگئے تھے، زخمیوں کو ساہیوال کے اسپتال منتقل کیا گیا جہاں بشریٰ بی بی زخموں کی تاب نہ لاکر چل بسی۔
پولیس حکام کے مطابق حادثے میں زخمی ہونے والے چالیس سالہ ریاض اور ان کے بیٹے اسپتال میں زیرعلاج ہیں۔
فیصل آباد: ٹریکٹر ٹرالی اور ویگن میں تصادم‘ 5 افراد جاں بحق
خیال رہے کہ 29 ستمبر کو صوبہ پنجاب کے شہرفیصل آباد میں ڈجکوٹ کے قریب ٹریکٹر ٹرالی اورویگن کے درمیان تصادم کے نتیجے میں 5 افراد جاں بحق جبکہ 2 افراد زخمی ہوگئے تھے۔
کامونکی میں ٹریکٹر ٹرالی کی ٹکرسے3افراد جاں بحق
یاد رہے کہ 6 فروری 2017 کو صوبہ پنجاب کے شہر کامونکی میں ٹریکٹر ٹرالی کی موٹرسائیکل کو ٹکرسے ماں بیٹے سمیت تین افرادجان کی بازی ہارگئے تھے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔
