The news is by your side.

Advertisement

جیلوں میں مقررہ تعداد سے زائد قیدیوں کی موجودگی کا انکشاف

پشاور: صوبہ خیبر پختونخوا کی متعدد جیلوں میں قیدی مقررہ تعداد سے زیادہ ہونے کا انکشاف ہوا ہے۔

تفصیلات کے مطابق خیبرپختونخوا کی جیلوں سے متعلق ایک دستاویز سامنے آئی جس میں کہا گیا ہے کہ مختلف جلیوں میں قیدیوں کی جو تعداد مقرر کی گئی ہے اس سے کئی زیادہ قیدی موجود ہیں۔

دستاویز کے مطابق سینٹرل جیل پشاور میں 319 قیدی اضافی ہیں جبکہ یہاں 2820 قیدیوں کی گنجائش ہے، مقررہ تعداد سے زیادہ قیدی بھرنے سے ان کی تعداد 3139 ہوگئی۔

اسی طرح ڈی آئی خان جیل میں قیدیوں کی گنجائش 350 ہے لیکن جیل میں 446 قیدی موجود ہیں۔

بنوں جیل میں بھی 279 اضافی قیدیوں کی موجودگی کا انکشاف ہوا ہے۔ سینٹرل جیل مردان میں 103 اور کوہاٹ جیل میں 495 اضافی قیدی موجو ہیں۔

صوبے کی تیمرگرہ جیل میں 129، لکی مروت میں 147 اور ڈسٹرکٹ جیل سوات میں 260 اضافی قیدی رکھے گئے ہیں۔

Comments

یہ بھی پڑھیں