مشہور ومعروف پاکستانی بینڈ "اوورلوڈ” کے بانی فرہاد ہمایوں انتقال کرگئے۔
اس افسوس ناک خبر کا اعلان بینڈ کے آفیشل پیج پر کیا گیا، بینڈ کے آفیشل فیس بک پیج پر پوسٹ میں لکھا گیا کہ عظیم فرہاد ہمایوں آج صبح ہمیں چھوڑ کر ستاروں کی دنیا میں چلے گئے ہیں۔
پوسٹ میں لکھا تھا کہ چیلنجز کا مقابلہ کرنے والے اپنی اقدار میں سمجھوتہ نہ کرنے والے، خطاؤں کو درگزر کرنے اور حد تک سخی اور انتہائی مزاحیہ! فادی جوش اور فن دونوں لحاظ سے اپنے وقت سے بہت آگے تھے۔
پوسٹ کے مطابق فرہاد کی خواہش تھی کہ انکی زندگی کی خوشی منائی جائے لہٰذا اہل خانہ، دوست احباب اور مداحوں سے درخواست ہے کہ وہ ان کی خواہش کا احترام کرتے ہوئےفرہاد کیلئے دعا کریں۔
بینڈ کے آفیشل پیج پر فرہاد کی موت کی وجہ کا ذکر نہیں کیا گیا تاہم سال دو ہزار اٹھارہ میں فرہاد نے انکشاف کیا تھا کہ انہیں برین ٹیومرہے اور دنیا کے بہترین سرجن ان کا آپریشن کررہے ہیں۔
پوسٹ میں مزید کہا گیا کہ ہم انہیں ڈیوڈ بووی کے یہ الفاظ کہتے ہوئے تقریباً سن سکتے ہیں ” مجھے نہیں معلوم کہ میں یہاں سے کہاں جا رہا ہوں، لیکن میں وعدہ کرتا ہوں کہ یہ بورنگ نہیں ہوگا۔” ہمارے جینٹل جائنٹ کو خدا بخشے اور ہنگامہ برپا کرنے کیلئے آپ کا شکریہ۔’
فرہاد ہمایوں کے انتقال کی اطلاع کے بعد سوشل میڈیا صارفین نے موسیقار کو خراج عقیدت پیش کرتے ہوئے کہا کہ فرہاد اور ان کے بینڈ نے ان کی نوجوانی کا دور یادگار بنایا۔
معروف اداکار عدنان صدیقی نے ادکارہ کی موت کو بڑا صدمہ قرار دیتے ہوئے کہا کہ فرہاد کے انتقال کے بارے میں سن کر لرز اٹھا، ایک نوجوان اور باصلاحیت زندگی بہت جلد قمست کے ظالمانہ ہاتھوں میں چلی گئی، یہ زندگی بہت نازک ہے، اللہ تعالیٰ مرحوم کو جنت الفردوس میں اعلی مقام عطا فرمائے۔
Shook to know about the passing away of #FarhadHumayun. A young, talented life snatched by the cruel hands of fate way too soon. Life is so fragile…May Allah grant him higher place in Jannah . Ameen 🙏🏽 pic.twitter.com/evWrlgC4ys
— Adnan Siddiqui (@adnanactor) June 8, 2021
گلوکارہ میشا شفیع نے بھی فرہاد کے انتقال پر افسوس کا اظہار کیا، سماجی رابطے کی ویب سائٹ ٹوئٹر پر جاری اپنے بیان میں انہوں نے کہا کہ موسیقی میں میرا کیریئر اوورلوڈ کے ساتھ شروع ہوا۔
ہم بعض اوقات لاگرہیڈز پر تھے لیکن راستے میں کچھ غیر یقینی طور پر اچھی موسیقی بنائی، یہ ان میں سے ایک گانا ہے، اسے فرہاد کی یاد میں شیئر کررہی ہوں۔
RIP Fadi
Thinking only of the good times we shared.My career in music began with Overload.
We were at loggerheads at times but made some undeniably good music on the way. This is just one of those brilliant songs. Sharing this in your memory.— MEESHA SHAFI (@itsmeeshashafi) June 8, 2021
