The news is by your side.

Advertisement

لاہور: موٹاپے کا شکارصادق آباد کا رہائشی نورالحسن انتقال کرگیا

لاہور: موٹاپے کا شکار صادق آباد کا رہائشی نورالحسن انتقال کرگیا، نورالحسن کی 2 ہفتے قبل سرجری کی گئی تھی۔

تفصیلات کے مطابق موٹاپے کا شکارصادق آباد کا رہائشی نورالحسن لاہور کے نجی اسپتال میں انتقال کرگیا، نورالحسن کو 2 ہفتے قبل سرجری کے بعد اسپتال میں ہی رکھا گیا تھا۔

ڈاکٹر معاذ کے مطابق اسپتال میں ڈلیوری کے دوران خاتون انتقال کرگئی تھیں، خاتون کے لواحقین نے اشتعال میں آکراسپتال میں توڑ پھوڑشروع کردی تھی۔

انہوں نے بتایا کہ اسپتال میں توڑپھوڑکے دوران نورالحسن سمیت 2 افراد انتقال کرگئے، نورالحسن کی موت کی وجہ اسپتال میں توڑپھوڑ بنی۔

ڈاکٹرمعاذ کا کہنا تھا کہ نورالحسن کی حالت سیریس ہونے کی وجہ سے آئی سی یومیں رکھا گیا تھا۔

موٹاپےکا شکار صادق آباد کے نور الحسن کی پہلی سرجری کامیاب

یاد رہے کہ 28 جون کو سرجن ڈاکٹر معاذ کی سربراہی میں ایک ٹیم نے نورالحسن کا کامیاب آپریشن کیا جو ڈیڑھ گھنٹے سے زائد وقت تک جاری رہا تھا، سرجری کے بعد مریض کو انتہائی نگہداشت وارڈ منتقل کردیا گیا تھا۔

واضح رہے کہ گزشتہ دنوں نور الحسن نے اپنے ویڈیو پیغام میں آرمی چیف سے مدد کی اپیل کی تھی۔ سوشل میڈیا پرنور الحسن کی ویڈیو وائرل ہونے پرآرمی چیف نے نوٹس لیتے ہوئے مریض کو علاج ومعالجے کی سہولیات فراہم کرنے کی ہدایت کی تھی۔

Comments

comments

یہ بھی پڑھیں