اسلام آباد: وزیراعظم عمران خان کا کہنا ہے کہ اوورسیز پاکستانیوں کی پاکستان سے محبت اور کمٹمنٹ غیر متزلزل ہے، وبا کے باوجود انہوں نے 10ماہ میں ریکارڈ 2ارب ڈالر بھیجے۔
تفصیلات کے مطابق سماجی رابطے کی ویب سائٹ ٹوئٹر پر عمران خان نے ٹوئٹ کیا کہ کورونا کی عالمی وبا کے دوران اوورسیز پاکستانیوں نے دس ماہ میں ریکارڈ دو ارب ڈالر وطن بھیجے۔
ان کا کہنا ہے کہ ترسیلات زر مارچ میں گذشتہ سال کی نسبت43فیصدزیادہ ہے، موجودہ مالی سال کے دوران ترسیلات زر میں 26فیصداضافہ ہوا۔
وزیراعظم نے لکھا کہ اوورسیز پاکستانیوں کے ترسیلات زر مارچ تک2ارب70کروڑڈالر تھے۔
ٹوئٹر پر جاری اپنے بیان میں ان کا مزید کہنا تھا کہ ترسیلات زر میں26فیصد اضافے پر سمندرپار پاکستانیوں کے شکرگزار ہیں۔
The love & commitment of Overseas Pakistanis to Pakistan is unparalleled. You sent over $2bn for 10 straight mths despite Covid, breaking all records. Your remittances rose to $2.7bn in Mar, 43% higher than last yr. So far this fiscal yr, your remittances rose 26%. We thank you
— Imran Khan (@ImranKhanPTI) April 12, 2021