The news is by your side.

Advertisement

سمندرپار پاکستانیوں کی وجہ سے معیشت کو سہارا ملتا ہے، وزیراعظم

اسلام آباد: وزیراعظم عمران خان کا کہنا ہے کہ سمندرپار پاکستانیوں کی وجہ سے معیشت کو سہارا ملتا ہے، ہمیں سمندر پار پاکستانیوں کی بڑی قدر کرنی چاہیے۔

تفصیلات کے مطابق وزیراعظم عمران خان نے تقریب سے خطاب کرتے ہوئے کہا کہ سمندرپار پاکستانیوں سے ماضی میں بڑا رابطہ رہا، سمندرپارپاکستانیوں کے مسائل بخوبی جانتا ہوں۔

وزیراعظم نے کہا کہ سمندرپار پاکستانی سال میں ایک مرتبہ واپس آتے ہیں، گھر کو چلانے کے لیے سمندرپار پاکستانی بہت محنت کرتے ہیں، سمندرپار پاکستانی پیسوں کے لیے دو، دو نوکریاں کرتے ہیں، سمندرپار پاکستانیوں کی وجہ سے معیشت کو سہارا ملتا ہے۔

وزیراعظم پاکستان نے کہا کہ ہمیں سمندرپار پاکستانیوں کی بڑی قدرکرنی چاہیے، ہمارے سفارت خانے سمندرپار پاکستانیوں کا اچھاخیال نہیں رکھتے تھے، حکومت آئی تو سفارت خانوں کو ہدایت کی اوورسیز پاکستانیوں کا خیال رکھیں، ہمیں چاہیے سمندرپار پاکستانیوں کو سہولت دیں آسانیاں پیدا کریں۔

انہوں نے کہا کہ سمندرپار پاکستانیوں کو فائدہ دینے کے لیے اسکیم تیار کر رہے ہیں، اوورسیزپاکستانیوں کو پیسہ بھجوانے کی صورت میں فائدہ دیں گے، اوورسیز پاکستانی ہمارا بڑا محنت کش طبقہ ہے ان کے لیے آسانیاں پیدا کریں گے۔

وزیراعظم نے کہا کہ اوورسیز پاکستانیوں کے مسائل کے حل کے لیے اقدامات کریں گے، حکومت کا کام ہوتا ہےعوام کے مسائل حل کرے، جمہوریت عوام کے لیے ہوتی ہے، بدقسمتی سے ہماری حکومتوں نے مائنڈسیٹ تبدیل نہیں کیا۔

وزیراعظم پاکستان نے کہا کہ انشااللہ 2020 وہ سال ہوگا جس میں پاکستان ترقی کرےگا، آئندہ سال ہوگا نوکریاں پیدا کریں اورغربت کو ختم کریں، احساس پروگرام کو وسعت دیں گےاور غریب طبقے کو اٹھائیں گے۔

Comments

یہ بھی پڑھیں