سمندرپار پاکستانیوں کو ووٹ کی سہولت، رجسٹریشن کی تاریخ میں دو دن کی توسیع -
The news is by your side.

Advertisement

سمندرپار پاکستانیوں کو ووٹ کی سہولت، رجسٹریشن کی تاریخ میں دو دن کی توسیع

اسلام آباد : الیکشن کمیشن آف پاکستان نے سمندر پار پاکستانیوں دی جانے والی ووٹ کی سہولت کیلئے رجسٹریشن کی تاریخ میں دو دن کی توسیع کردی۔

تفصیلات کے مطابق سمندر پار پاکستانیوں کو ووٹ کی سہولت دینے کے بعد الیکشن کمیشن نے رجسٹریشن کی تاریخ میں دو دن کی توسیع کردی، بیرون ملک مقیم پاکستانی سترہ ستمبرصبح نو بجے تک رجسٹریشن کروا کر چودہ اکتوبر کےضمنی انتخابات میں ووٹ ڈال سکیں گے۔

سمندر پار پاکستانیوں کو ووٹ کی سہولت،الیکشن کمیشن کے اعلامیے کے مطابق رجسٹریشن میں توسیع17ستمبرصبح نو بجے تک رجسٹریشن کرائی جاسکتی ہے، یاد رہے کہ اس سے قبل رجسٹریشن کی آخری تاریخ15ستمبر مقرر کی گئی تھی۔

الیکشن کمیشن نے اپنے اعلامیے میں کہا ہے کہ رجسٹریشن کی تاریخ میں توسیع کامقصد زیادہ سے زیادہ تارکین وطن کی رجسٹریشن ہے تاکہ وہ اپنا حق رائے دہی استعمال کرسکیں۔

مزید پڑھیں : ضمنی انتخابات، الیکشن کمیشن نے سمندر پار پاکستانیوں کو ووٹ کی سہولت مہیا کردی

واضح رہے کہ قومی اسمبلی کے11اور صوبائی اسمبلیوں کے26حلقوں میں 14اکتوبر کو ضمنی انتخابات منعقد ہوں گے, ملک کے37حلقوں میں ہونے والے ضمنی الیکشن میں صرف رجسٹرڈ ووٹرز ہی ضمنی انتخاب میں ووٹ ڈالنے کی سہولت حاصل کرسکیں گے، بیرون ملک مقیم پاکستانی انٹرنیٹ کے ذریعے اپنا حق رائے دہی استعمال کریں گے۔

Comments

comments

یہ بھی پڑھیں