لاہور: تیزرفتارگاڑی کی ٹکرسےپولیس اہلکارجاں بحق‘ 1 زخمی -
The news is by your side.

Advertisement

لاہور: تیزرفتارگاڑی کی ٹکرسےپولیس اہلکارجاں بحق‘ 1 زخمی

لاہور: صوبہ پنجاب کے دارالحکومت لاہور میں تیزرفتار گاڑی نے ناکے پرکھڑے پولیس اہلکاروں کو ٹکر ماردی جس کے نتیجے میں ایک پولیس اہلکار جاں بحق جبکہ دوسرا زخمی ہوگیا۔

تفصیلات کے مطابق لاہورمیں تھانہ ڈیفنس اے کی حدود میں ناکے پر رکنے کے اشارہ پر نئے سال کا جشن منانے والے منچلوں نے دو پولیس اہلکاروں کو تیز رفتار گاڑی تلے کچل دیا۔

پولیس کے مطابق واقعے میں مستنصرنامی پولیس اہلکار جاں بحق ہو گیا، جبکہ قاسم کو شدید زخمی حالت میں اسپتال منتقل کر دیا گیا۔

پولیس حکام کے مطابق کار سوار نشے میں دھت تھے، جنہیں جلد گرفتار کرلیا جائے گا۔

دوسری جانب کراچی کے مختلف علاقوں میں سال نو کے موقع پر ہوائی فائرنگ کے واقعات میں خواتین سمیت 15 افراد زخمی ہوگئے۔


اوکاڑہ: دو گروپوں کےدرمیان مسلح تصادم‘ 4 افراد جاں بحق


خیال رہے کہ دو روز قبل صوبہ پنجاب کے شہر اوکاڑہ کے نواحی گاؤں شنکرداس میں زمین کے تنازع پر دو گروپوں میں فائرنگ کے نتیجے میں 4 افراد جاں بحق ہوگئے تھے۔

یاد رہے کہ گزشتہ ماہ 12 دسمبر کو صوبہ پنجاب کے دارالحکومت لاہور میں دو گروپوں میں درمیان فائرنگ کے نتیجے میں تین افراد جاں بحق ہوگئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں