The news is by your side.

Advertisement

آکسفورڈ یونیورسٹی : سانحہ اے پی ایس کے زخمی طالب علم کی بڑی کامیابی

لندن : آکسفورڈ یونیورسٹی لندن میں ہونے والے اسٹوڈنٹس یونین کے انتخابات میں پاکستان سے تعلق رکھنے والے اے پی ایس کے طالب علم احمد نواز کامیاب ہوگئے۔

تفصیلات کے مطابق سانحہ اے پی ایس میں دہشت گردوں اور موت کو شکست دینے والے طالب علم احمد نواز کا دیرینہ خواب پورا ہوگیا۔

آکسفورڈ یونیورسٹی اسٹوڈنٹس یونین (لندن ) کے انتخابات میں ووٹنگ کا عمل مکمل ہوگیا، نتائج کے مطابق پاکستانی نژاد طالب علم احمد نواز بھی انتخاب جیت گئے۔

تازہ ترین انتخابی نتائج کے مطابق سانحہ آرمی پبلک اسکول کے زخمی طالب علم احمد نواز گورننگ باڈی اور اسٹینڈنگ کمیٹی کے ممبر منتخب قرار پائے۔

یاد رہے کہ آکسفورڈ اسٹوڈنٹس یونین دنیا کی سب سے بڑی طلباء یونین ہے، اس یونین میں دنیا کی اہم شخصیات کو مدعو کیا جاتا ہے۔

ماضی میں سابق وزیر اعظم محترمہ شہید بینظیر بھٹو یونین کی پہلی ایشیائی صدر منتخب ہوئی تھیں۔

مزید پڑھیں : سانحہ اے پی ایس کے طالب علم احمد نواز کا دیرینہ خواب پورا ہوگیا

یاد رہے کہ احمد نواز کو گزشتہ سال اگست میں آکسفورڈ یونیورسٹی میں داخلہ ملا تھا، سماجی رابطے کی ویب سائٹ ٹوئٹر پر ان کا اپنے پیغام میں کہنا تھا کہ انہوں نے لکھا کہ آج مجھے یہ بتاتے ہوئے فخر محسوس ہورہا ہے کہ مجھے آکسفورڈ یونی ورسٹی میں داخلہ مل گیا ہے جہاں اب میں مزید تعلیم کا سلسلہ جاری رکھوں‌ گا۔

Comments

یہ بھی پڑھیں