کراچی : سندھ پولیس کے ایس پی کی شہریوں کو اسلحہ چلانے کی ٹریننگ دینے ویڈیو وائرل ہوگئی،اعلیٰ افسر نے فائرنگ کر کے خوف و ہراس پھیلایا۔
تفصیلات کے مطابق سندھ پولیس کا ایس پی شہریوں کواسلحہ چلانےکی ٹریننگ دینے لگا ، خالد حسین مخدومی خود شہری سے فائرنگ کراتا رہا، فیڈرل بی ایریا بلاک 19 میں فائرنگ کی ویڈیو منظرعام پرآگئی۔
سرکاری گاڑیوں کی موجودگی میں ہوائی فائرنگ کے مقابلے ہوتے رہے اور فائرنگ سے علاقہ گونج اٹھا، جس سے شہریوں میں شدید خوف و ہراس پھیل گیا۔
اعلیٰ افسر نے سرکاری پروٹوکول کے ساتھ فائرنگ کر کے خوف و ہراس پھیلایا ، شہری سے فائرنگ کرانے والا ایس پی ہیڈ کواٹر ویسٹ نکلا۔
ڈی آئی جی ویسٹ نے سوشل میڈیا پر وائرل ویڈیو کا نوٹس لیتے ہوئے ایس ایس پی سینٹرل معروف عثمان کو انکوائری افسر مقرر کر دیا۔
پولیس حکام کا کہنا ہے کہ تحقیقات مکمل ہونے کے بعد کاروائی کی جائے گی اور واقعےمیں ملوث افسرکیخلاف ضابطے کے مطابق کارروائی کی جائے گی۔
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔