تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

حکومت کا ٹیکسٹائل انڈسٹری کے لیے مراعاتی پیکج کا فیصلہ

اسلام آباد: حکومت نے اپنی ٹیکسٹائل پالیسی پر عمل کرتے ہوئے ٹیکسٹائل اور برآمدی سیکٹر کے لیے خوشخبری سنادی ہے۔ ٹیکسٹائل سیکٹر کے لیے مراعاتی پیکج کا فیصلہ کیا گیا ہے۔

تفصیلات کے مطابق حکومت نے ٹیکسٹائل انڈسٹری کے لیے مراعاتی پیکج دینے کا فیصلہ کرلیا ہے۔

ذرائع کا کہنا ہے کہ مراعاتی پیکج میں ٹیکسٹائل سیکٹر کے لیے بجلی کے نرخوں کمی سرفہرست ہے۔ ٹیکسٹائل انڈسٹری کو 24 گھنٹے گیس کی فراہمی اور یکساں نرخ رکھنے کی تجویز دی گئی ہے۔

ذرائع کے مطابق ایکسپورٹ والی تمام صنعتوں کے اربوں سیلز ٹیکس ری فنڈ کی فوری ادائیگی کی تجویز بھی دی گئی ہے۔

اکنامک ایڈوائزری کونسل ایک ہفتے میں مذکورہ بالا سفارشات حکومت کو بھجوائے گی، اس سے قبل اکنامک ایڈوائزری کونسل تمام اسٹیک ہولڈرز سے مشاورت بھی کرے گی۔

ذرائع کا کہنا ہے کہ ٹیکسٹائل انڈسٹری کو مراعاتی پیکج کا مقصد برآمدات اور زرمبادلہ میں اضافہ ہے۔

خیال رہے کہ پاکستان تحریک انصاف نے انتخابات سے قبل ٹیکسٹائل پالیسی کا اعلان کرتے ہوئے کہا تھا کہ ٹیکسٹائل سیکٹر کے تمام خام مال کو ٹیکس سے استثنیٰ دیا جائے گا۔

پالیسی میں دوسرا پوائنٹ منافع کو بہتر بنانا تھا۔ وزیر اعظم عمران خان کے مطابق کپاس کا کاشت کار خوشحال ہونے تک ٹیکسٹائل انڈسٹری بہتر نہیں ہوسکتی۔

ٹیکسٹائل برآمد کنندگان کو ریفنڈز کی ادائیگی فوری کیے جانے کے نکتے کو بھی پالیسی میں شامل کیا گیا تھا۔

Comments

- Advertisement -