The news is by your side.

Advertisement

پڈ عیدن : پٹریوں کی مرمت، اٹھارہ گھنٹے بعد ریلوے ٹریک کھول دیا گیا، آمد و رفت بحال

پڈ عیدن : سکھر کے قریب پٹریوں کی مرمت کر دی گئی، اٹھارہ گھنٹے بعد پڈعیدن ریلوے ٹریک بحال کردیا گیا مال گاڑی کی بوگیاں الٹنےسےٹریک اکھڑ گیا تھا۔

تفصیلات کے مطابق صوبہ سندھ کے علاقے پڈعیدن کے قریب مال گاڑی کی13بوگیاں پٹری سے اترگئی تھیں جس کے بعد ریلوے کا اپ اورڈاؤن ٹریک بلاک جبکہ ٹرینوں کو مختلف اسٹیشنزپر روک لیا گیا تھا۔

بھریا روڈ پر مال گاڑی کی تیرہ بوگیاں الٹنے سےایک کلومیٹر کا ٹریک اکھڑگیا تھا، پڈعیدن بھریا روڈ پر مال گاڑی کی تیرہ بوگیاں الٹنے سےایک کلومیٹر کا ٹریک اکھڑگیا۔

کراچی سےروانہ ہونےوالی نو ٹرینیں مختلف اسٹیشنوں پر روکی گئیں، نواب شاہ، خیرپور اوردوسرے اسٹیشنوں پر کھڑی گاڑیوں کے مسافر روزے کی حالت میں سخت پریشان ہوئے، ٹرینوں میں پانی بھی ختم ہو گیا۔

سحری و افطاری بھی وہیں کرنا پڑی۔ بوگیاں ہٹانے کے لیے کرینیں چھ گھنٹے بعد پہنچیں۔ امدادی کاموں کے دوران کرین کا رسہ بھی بار بار ٹوٹتا رہا، کراچی ریلوے اسٹیشن پر مسافروں کے لئے افطاری کا انتظام کیا گیا۔

Comments

comments

یہ بھی پڑھیں