site
stats
پاکستان

پاک فضائیہ کا نام روشن کرنے والا’ہرکولیس‘ وطن پہنچ گیا

اسلام آباد: پاک فضائیہ کا سی 130 طیارہ ’ہرکولیس‘ برطانیہ کے ایئرشومیں وطنِ عزیز کی فضائی قابلیت کے جھنڈے گاڑ کرواپس پاکستان پہنچ گیا ہے۔

تفصیلات کے مطابق دنیا کا سب سے بڑا ایئر شو برطانیہ میں منعقد ہوا جس میں پاکستان سے ضربِ عضب کے آرٹ ورک سے مزین ہرکولیس نامی سی ون تھرٹی طیارے نے شرکت کی اور پہلی پوزیشن حاصل کی۔

PAF-post-1

برطانیہ کے رائل ایئر فورس بیس فیئر فورڈ میں ہونے والے رائل انٹرنیشنل ایئر ٹیٹو شو 2016 میں پچاس ممالک کے 200 طیاروں نے حصہ لیا،جس میں پاکستان کی نمائندگی سی ون تھرٹی نے کی،اور بہترین طیارے کی ٹرافی اپنے نام کی۔

پاک فضائیہ کے سی ون تھرٹی نے ’رائل انٹرنیشنل ایئر ٹیٹو شو‘ جیت لیا*

ائیر شو میں شریک پاکستان ائیرفورس کا سی ون تھرٹی ائیرکرافٹ برطانوی شہریوں کی توجہ کا مرکز بنا رہا،جہاز کو دہشت گردی کے خاتمے کے مناظر اور آپریشن ضرب عضب کے مناظر کو پینٹ کرکے سجایاگیا تھا جبکہ پی اے ایف کی جانب سے جہاز پر مختلف دستاویزی فلموں اور پروموز دکھانے کا بھی اہتمام کیا گیا۔

ائیرشو کی اختتامی تقریب میں پاک فضائیہ کے وائس چیف آف دی ایئر اسٹاف ایئر مارشل اسد لودھی نے شرکت کی اور پاک فضائیہ کے دستے کو کامیابی پر مبارکباد پیش کی۔

PAF-post-2

 پاک فضائیہ نے 2006 میں بھی بین الاقوامی ایئرشو میں شرکت کی تھی اور3 ٹرافیاں جیتیں تھیں۔

100فٹ لمبا، 90 ہزار پاؤنڈ وزنی سی 130 ہرکولیس سامان حرب پہنچانے کے کام پر معمورہے اورپاک فضائیہ میں ریڑھ کی ہڈیکی حیثیت رکھتا ہے۔

سی 130 ہرکولیس میدانِ جنگ سے زخمیوں کی منتقلی کے فرائض بھی انجام دیے ہیں اور قدرتی آفات میں امدادی کارروائیاں بھی کی ہیں۔

پاکستان اوربھارت کے درمیان ہونے والی 1965 کی جنگ میں سی 130 ہرکولیس نے دشمن کے علاقوں میں 4000 پاؤنڈ وزنی بم گرائے تھے جس سے بھارت کو بے پناہ نقصان پہنچا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top