The news is by your side.

Advertisement

پاک فضائیہ نے اہم سنگ میل عبور کرلیا، JF17 طیاروں کی تقریب رونمائی

کامرہ: پاک فضائیہ کے سربراہ ایئرچیف مارشل مجاہد انور خان نے کہا ہے کہ پاکستان ایئرفورس کو انتھک محنت اور جدوجہد کی بدولت اپنے اہداف کے حصول میں قابلِ ذکر کامیابی حاصل ہوئی ہے۔

پاک فضائیہ کے ترجمان کی جانب سے جاری ہونے والے اعلامیے کے مطابق ایئر کرافٹ ریبلڈ فیکٹری کامرہ میں چار اوورہال  JF17  طیاروں کی رونمائی کے حوالے سے شاندار تقریب کا انعقاد کیا گیا، جس میں پاک فضائیہ کے سربراہ ائیرچیف مارشل نے بطور مہمان خصوصی شرکت کی جبکہ  ائیر مارشل احمر شہزاد، چئیرمین پاکستان ائیرو ناٹیکل کمپلیکس کامرہ، چین کی نیشنل ایروٹیکنالوجی امپورٹ اینڈ ایکسپورٹ کارپوریشن(CATIC) کے صدر یانگ ینگ، صدر ایوی ایشن انڈسٹری کارپوریشن آف چائنہ(AVIC) کے نائب صدر وانگ ونگ اور چائنہ ایوی ایشن انڈسٹری کارپوریشن (CAIC) کے صدر ژہان جیان پنگ کے علاوہ اعلیٰ سول اور ملٹری عہدیداران بھی تقریب میں شریک ہوئے۔

ترجمان فضائیہ کے مطابق ان  چار طیاروں میں سے دو چین جبکہ دو طیارے کامرہ میں اوورہال کئے گئے، ائیر چیف نے  افسران اور تکنیکی عملے کی انتھک محنت اور عزم و حوصلے کی تعریف کی اور خود انحصاری کے حصول میں چین ایوی ایشن انڈسٹری کے بھرپور تعاون کو سراہا۔

اس موقع پر تقریب سے خطاب کرتے ہوئے پاک فضائیہ اُن کا کہنا تھا کہ ہم  ٹیکنالوجی کے دور میں رہ رہے ہیں جہاں جدید چیلنجز سے نمٹنے کے لئے خود انحصاری ایک کلیدی حیثیت رکھتی ہے،  طیاروں کی اوورہالنگ کی صلاحیت حاصل کر کے ایک اور اہم سنگ میل عبور کرلیا۔

انہوں نے کامیابی پر مبارک باد پیش کرتے ہوئے کہا کہ ’’انتھک جدوجہد کی بدو لت پاک فضائیہ کو اپنے اہداف کے حصول میں قابلِ ذکر  کامیابی حاصل ہوئی، JF-17 طیاروں کی اوور ہالنگ بلاشبہ ایک بڑی کامیابی ہے جو ائیر کرافٹ ریبلڈ فیکٹری کے انجنئیرز اور اور تکنیکی عملے کی انتھک محنت اور عزم و حوصلے کی بدولت ممکن ہوئی۔

Comments

comments

یہ بھی پڑھیں