site
stats
اہم ترین

ضربِ عضب: شوال میں پاک فوج کی کارروائی، 21 دہشت گرد ہلاک

پشاور: پاک افغان سرحدی علاقے میں پاک فوج کی فضائی کارروائی کے دوران 21 دہشت گرد مارے گئے ہیں۔

ڈی جی آئی آئی ایس پی آر جنرل عاصم سلیم باجوہ کے مطابق گزشتہ رات سے وادی شوال میں آپریشن جاری ہے اوردہشت گردوں کے خلاف گھیرا تنگ کیا جاچکا ہے۔

جنرل عاصم سلیم باجوہ نے تصدیق کی کہ اب تک کی جانے والی کارروائیوں میں 21 دہشت گرد مارے جاچکے ہیں۔

آئی ایس پی آرکے مطابق آپریشن میں پاک فضائیہ اورپاک فوج کے ایوی ایشن ونگ کی جانب سے مشترکہ کارروائیاں کی جارہی ہیں۔

ذرائع کا کہنا ہے کہ گزشتہ رات سے دہشت گردوں کے خلاف کارروائیوں میں تیزی آئی ہے اوران کے فرارکی تمام ترراہیں مسدود کردی گئی ہیں۔

پاک فوج کے زمینی دستے بھی پاک افغان سرحد سے ملحقہ علاقے میں کلئیرنس آپریشن کررہے ہیں اورجلد ہی وادی شوال کو دہشت گردوں سے پاک کرالیا جائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top