کراچی سے تعلق رکھنے  15 سالہ لڑکی لاہور کے ڈیوس روڈ سے نیم بے ہوشی کی حالت میں برآمد ہوئی۔

اے آر وائی نیوز کے مطابق لاہور کے ڈیوس روڈ سے پولیس کو 15 سالہ لڑکی نیم بے ہوشی کی حالت میں ملی، جس کو اسپتال منتقل کرکے طبی امداد دی گئی۔

لڑکی نے ہوش میں آنے کے بعد پولیس کو بتایا کہ اُس کا نام علینہ صابر ہے اور وہ کراچی کے علاقے ڈیفنس ہاؤسنگ اتھارٹی کی رہائشی ہے۔

علینا نے پولیس کو بتایا کہ وہ گھر سے والدہ کے ساتھ بازار جانے کے لیے نکلی ، اُسے لاہور پہنچنے کے حوالے سے کچھ معلوم نہیں ہے۔

لڑکی کا کہنا تھا کہ اُسے یاد ہے کہ وہ آخری بار اپنی والدہ کے ساتھ والد کی دکان جانے کے لیے نکلی تھی، جو کراچی کے ایک بازار میں ہے۔ پولیس حکام کے مطابق علینا کو گھر کے کسی بھی شخص کا موبائل نمبر یاد نہیں اور نہ ہی اُسے لینڈ لائن نمبر کے حوالے سے کچھ معلوم ہے۔

پولیس نے لڑکی کو حفاظتی تحویل میں لے کر طبی معائنے کے لیے میو اسپتال منتقل کردیا، جبکہ کراچی سے لاہور پہنچنے کی تحقیقات بھی شروع کردیں۔

لاہور میں گھر کی چھت گر گئی جس کے نتیجے میں 2 بچوں اور خواتین سمیت 6 افراد جاں بحق ہوگئے۔

اے آر وائی نیوز کی رپورٹ کے مطابق لاہور کے علاقے شادباغ وسن پورہ میں دو منزلہ مکان کی چھت گر گئی، ملبے تلے دب کر دو بچوں اور 2 خواتین سمیت 6 افراد جاں بحق ہوگئے۔

جاں بحق افراد میں 55 سالہ سمیرا، 35 سالہ رضوان، 30 سالہ مہوش، 18 سالہ رابعہ، 8 سالہ ابراہیم اور مناہل شامل ہیں۔

ریسکیو ذرائع کے مطابق جاں بحق افراد کی لاشوں کو ضابطے کی کارروائی کے لیے خواجہ سعید اسپتال منتقل کردیا گیا۔

مزید پڑھیں: لاہور، کوٹ لکھپت میں مکان کی چھت گر گئی، 4 افراد جاں بحق

ریسکیو ذرائع کا کہنا ہے کہ جائے وقوعہ پر امدادی کارروائی مکمل کرلی گئی ہیں۔

واضح رہے کہ رواں سال فروری میں لاہور کے علاقے کوٹ لکھپت میں ہاؤسنگ سوسائٹی میں مکان کی چھت گرگئی تھی جس کے نتیجے میں ایک ہی خاندان کے 4 افراد جاں بحق ہوگئے تھے۔

ریسکیو ذرائع کا کہنا تھا کہ ملبے سے 5 افراد کو ریسکیو کرلیا گیا ہے۔