اتوار, ستمبر 29, 2024
لائیو سٹریم
اے آر وائی نیوز انگریزی
نماز ٹائمنگ
کرنسی ریٹ
گولڈ ریٹس
ایندھن قیمتیں
ہوم بلاگ صفحہ 10712

غیرملکی ملازمین سے متعلق سعودی حکام کی وضاحت

کی طرف
ویب ڈیسک
-
0
سعودی عرب

ریاض : سعودی حکام نے فلپائن سے گھریلو خادماؤں اور ملازمین کی درآمد عارضی طور پر معطل کرنے سے متعلق گردش کرنے والی اطلاعات پر وضاحت جاری کی ہے۔

سعودی ذرائع ابلاغ کے مطابق وزارت افرادی قوت و سماجی بہبود نے بتایا کہ سماجی رابطے کی سائٹس پر یہ رپورٹ گردش کر رہی ہے کہ فلپائن سے گھریلو عملے کی درآمد عارضی طور پر معطل کر دی گئی ہے۔

سوشل میڈیا پر اس کا سبب یہ بیان کیا جا رہا ہے کہ اس کی وجہ فلپائنی ملازماؤں اور ایک سعودی شہری کے درمیان ہونے والا جھگڑا تھا جس کی وجہ سے درآمد معطل کی گئی ہے۔

وزارت افرادی قوت نے بتایا کہ ‘یہ درست ہے کہ مقامی شہری اور فلپائنی ملازمہ کے درمیان جھگڑا ہو گیا تھا تاہم سارا معاملہ اسی وقت سلجھا دیا گیا تھا، فلپائنی کارکن کو ریاض میں سفارت خانے کے تعاون سے وطن واپس بھیجوا دیا گیا تھا۔

وزارت افرادی قوت نے بتایا کہ فلپائن سے ملازماوں کی درآمد پر کوئی پابندی نہیں ہے، بیان میں کہا گیا کہ وزارت ہر ممکن کوشش یہ ہوتی ہے کہ ہر ملک ورکرز کے حقوق انہیں دلائے جائیں اور اس سلسلے میں کسی کی حق تلفی نہ ہو۔

فلسطین پر اسرائیلی قبضہ ختم کیا جائے: انسانی حقوق کمیشن کا مطالبہ

کی طرف
ویب ڈیسک
-
0

اسلامی تعاون تنظیم کے بااثر نگران ادارے مستقل انسانی حقوق کمیشن نے کہا ہے کہ فلسطینیوں کے خلاف جاری انسانی حقوق کی خلاف ورزیوں اور غیر انسانی سلوک کو روکنے کا واحد راستہ فلسطین پر اسرائیل کے قبضے کا خاتمہ ہے۔

او آئی سی کے آزاد مستقل انسانی حقوق کمیشن نے پیر کو اقوام متحدہ کے زیر اہتمام فلسطینی عوام کی حمایت کرتے ہوئے سنہ 2021 کی یکجہتی کے عالمی دن کے موقع پر اپنی اپیل دائر کی ہے۔

اسلامی تعاون تنظیم میں انسانی حقوق کی مستقل کمیٹی نے یوم یکجہتی کے موقع پر اپنے ایک بیان میں عالمی برادری کی جانب سے فلسطینی عوام کے ناقابل تنسیخ حق خود ارادیت کو تسلیم کرنے کی فوری ضرورت پر زور دیا ہے۔

تعاون تنظیم نے بیان میں کہا ہے کہ آج کا دن عالمی برادری کے لیے نہایت قابل غور ہے تاکہ نہ صرف فلسطین کے مسئلے کو حل کیا جائے بلکہ اسرائیلی قبضے کے تحت فلسطینی عوام کے بڑھتے ہوئے مصائب پر بھی توجہ مرکوز کی جائے۔

علاوہ ازیں انسانی بنیادی حقوق کے حصول میں ان کی مدد کرنے کے ساتھ ساتھ حق خود ارادیت اور فلسطینی پناہ گزینوں کو ان کے گھراور جائیداد واپس حاصل کرنے کا حق بھی دلایا جائے جہاں سے وہ بے گھر ہوئے۔

اسرائیل کی جانب سے بڑھتی ہوئی خلاف ورزیوں پر بھی انسانی حقوق کمیشن نے گہری تشویش کا اظہار کیا ہے۔

خاص طور پر فلسطینی قیدیوں اور نظر بند کیے گئے افراد کے خلاف حالیہ سخت اقدامات کے ساتھ ساتھ، مشرقی بیت المقدس کے علاقے شیخ جراح میں بسنے والے خاندانوں کو اسرائیل کی جانب سے ہراساں کیے جانے ، فلسطینی قیدیوں اور نظر بند افراد کے خلاف سخت اقدامات کے علاوہ بے بنیاد اور غیر قانونی دلائل کے ساتھ ان کی بے دخلی کے خطرات کا اظہار بھی کیا ہے۔

مستقل ہیومن رائٹس کمیشن کے بیان میں تمام انسانی حقوق کے گروپوں پر زور دیا گیا ہے کہ سب مل کر انسانی حقوق کی سنگین خلاف ورزیوں کے بارے میں آگاہی مہم شروع کریں۔

بیت المقدس میں انسانی حقوق کی شدید طور پر ہونے والی خلاف ورزیوں میں وہاں بسنے والے فلسطینی باشندوں کو رہنے کے حق سے محروم کیا جا رہا ہے جبکہ یہ فلسطینی عوام کے حق خود ارادیت پر ایک اور وحشت ناک حملہ ہے۔

مزید برآں انسانی حقوق کمیشن کے ارکان نے حالیہ اسرائیل کی طرف سے 6 فلسطینی انسانی حقوق اور سول سوسائٹی گروپوں کو دہشت گرد تنظیموں کے طور پر نامزد کرنے کی مذمت کی ہے۔

بیان میں کہا گیا ہے کہ یہ ایک ایسا اقدام ہے جس میں مخالفین اور معصوم فلسطینیوں کو خاموش کروانے کے لیے اسرائیل کی جانب سے انسداد دہشت گردی اور سیکیورٹی قانون سازی کا غلط استعمال کیا گیا ہے۔

مستقل انسانی حقوق کمیشن نے اسرائیل کی جانب سے فلسطینیوں کے مکانوں کو مسمار کرنے اور بیت المقدس و دیگر علاقوں کے مکینوں کی جبری بے دخلی کو بھی تنقید کا نشانہ بنایا۔

گونگی بہری بھارتی سکھ خاتون نے پاکستان پہنچ کر محبت کی شادی کر لی

کی طرف
عابد خان
-
0

لاہور: محبت میں جسمانی معذوری بھی آڑے نہ آ سکی، گونگی بہری بھارتی خاتون نے پاکستان پہنچ کر محبت کی شادی کر لی ہے۔

تفصیلات کے مطابق گونگی بہری انڈین خاتون نے لاہور کے رہائشی عمران نامی گونگے بہرے لڑکے سے پاکستان پہنچ کر شادی کر لی، لاہور کی سیشن عدالت نے پولیس کو جوڑے کو ہراساں کرنے سے روک دیا۔

گونگی بہری انڈین خاتون نے سوشل میڈیا پر شروع ہوئے پیار کے وعدے پورے کر دیے اور لاہور کے رہائشی عمران نامی لڑکے سے پاکستان پہنچ کر شادی کی، انڈین لڑکی نے نکاح سے قبل اسلام بھی قبول کیا، اور اسلامی نام پروین سلطانہ رکھا۔

رپورٹ کے مطابق قوت سماعت سے محروم جوڑے نے اشاروں سے نکاح قبول کیا، خاتون بابا گرو نانک کے جنم دن کی تقریبات میں شرکت کے لیے پاکستان آئی تھی۔

لڑکی کے ساتھ آنے والے سکھ زائرین اور لڑکے کے قریبی دوستوں نے شادی میں شرکت کی، نکاح کے بعد جوڑے نے ایک دوسرے کو پیار بھرے انداز سے انگوٹھیاں پہنائیں اور مبارک باد دی۔

شادی کا علم ہونے پر لڑکے کے اہل خانہ نے جوڑے کو ہراساں کرنا شروع کر دیا، جس پر وہ عدالت پہنچ گئے، کیس کی سماعت کے بعد لاہور کی سیشن کورٹ نے بھارتی خاتون پروین سلطانہ کو ہراساں نہ کرنے کا حکم جاری کیا۔

بھارتی خاتون نکاح کرنے اور عدالت میں اپنے شوہر کے حق میں بیان دینے کے بعد واہگہ بارڈر کے ذریعے وطن واپس روانہ ہوگئی ہے۔

بلدیاتی انتخابات کے شیڈول میں تبدیلی کے لیے خیبرپختونخوا حکومت کی درخواست مسترد

کی طرف
ویب ڈیسک
-
0
چیف جسٹس

اسلام آباد : سپریم کورٹ نے بلدیاتی انتخابات کے شیڈول میں تبدیلی کے لیے کے پی حکومت کی درخواست مسترد کردی اور کہا بلدیاتی انتخابات جماعتی بنیادوں پر ہوں گے۔

تفصیلات کے مطابق سپریم کورٹ میں خیبرپختونخوا بلدیاتی انتخابات سے متعلق الیکشن جماعتی بنیادوں پرکرانےکے ہائیکورٹ کے حکم کیخلاف اپیل پرسماعت ہوئی ، جسٹس عمر عطا بندیال کی سربراہی میں تین رکنی بنچ نے سماعت کی۔

سپریم کورٹ نے الیکشن شیڈول میں تبدیلی کی کے پی حکومت کی درخواست مسترد کردی اور کہا خیبرپختونخوا میں بلدیاتی انتخابات جماعتی بنیادوں پر ہوں گے۔

عدالت نے کہا الیکشن کمیشن پشاور ہائیکورٹ کے فیصلے پر عملدرآمد کیلئے تمام اقدامات کر چکاہے، بلدیاتی الیکشن شیڈول جاری کرنے میں پہلے ہی دو سال تاخیر ہوچکی ہے۔

ایڈووکیٹ جنرل کےپی کا کہنا تھا کہ صرف الیکشن نہیں صحیح معنوں میں نمائندگی کی ضرورت ہے، جس پر جسٹس عمر عطا بندیال نے ریمارکس میں کہا جماعتی بنیادوں پر الیکشن سے برادریوں میں ٹوٹ پھوٹ ہوتی ہے، جمہوریت کو تقویت کیلئےسیاسی جماعتوں کومضبوط کرناضروری ہے، سیاسی جماعتوں کو سیاسی عمل سے نہیں نکالا جاسکتا۔

جسٹس منصور علی شاہ نے ریمارکس دیئے کہ کوئی بھی سیاسی جماعت عدالت میں نہیں آئی، سیاسی جماعتوں کوآکرکہناچاہیےہائیکورٹ کےفیصلےسےنقصان ہورہا ہے۔

ایڈووکیٹ جنرل کےپی کا کہنا تھا کہ ہائی کورٹ نے جو حکم دیا اس کی قانون میں کوئی گنجائش نہیں، عدالت حکم امتناع نہیں دیتی توالیکشن تاریخ بدلنے کی اجازت دیں ، جس پر جسٹس عمر عطا بندیال نے کہا تاریخ تبدیل کرنے کے ہم سخت مخالف ہیں۔

بعد ازاں سپریم کورٹ میں کیس کی سماعت غیر معینہ مدت کے لیے ملتوی کردی گئی۔

گیس کی پیداوار : سعودی عرب کیلئے بڑا اعزاز

کی طرف
ویب ڈیسک
-
0
سعودی عرب

ریاض : سعودی عرب 2030 تک دنیا بھر میں سب سے زیادہ گیس پیدا کرنے والا تیسرا بڑا ملک بن جائے گا۔ آرامکو یومیہ دو ارب مکعب فٹ گیس تیار کرے گی۔

سعودی ذرائع ابلاغ کے مطابق سعودی آرامکو نے مملکت میں گیس کی پیداوار میں غیر معمولی توسیع کے پروگرام شروع کر دیے ہیں۔ آرامکو 2030 تک الجافورہ فیلڈ سے روزانہ دو ارب مکعب فٹ گیس نکالنے لگے گی۔

آرامکو کا کہنا ہے کہ وہ جاری عشرے کے اختتام تک قدرتی گیس پیدا کرنے والی تیسری بڑی کمپنی بن جائے گی ۔

الجافورہ فیلڈ کی دریافت 2014 میں ہوئی تھی جبکہ ولیعہد شہزادہ محمد بن سلمان نے فروری 2020 میں ہائیڈروکاربن اعلیٰ کمیٹی کے اجلاس کی صدارت کی تھی۔ اس موقع پر وزارت توانائی نے ان کے سامنے الجافورہ سے غیر روایتی گیس پروجیکٹ کی اسکیمیں رکھی تھیں۔

ایوانِ شاہی نےاجلاس کے تناظر میں الجافورہ فیلڈ کو جدید خطوط پر استوار کرنے کا فرمان جاری کر دیا تھا۔ ہدایت یہ تھی کہ ترجیحی بنیاد پر گیس ایتھن اور سیال مادے نکالے جائیں جس سے ملک کی صنعتیں ،بجلی پیداوار کا نظام ، کھارے پانی کو قابل استعمال بنانے والے سٹیشن اور کانکنی کے پروجیکٹس میں خرچ کیا جا سکے۔

الجافورہ فیلڈ مملکت میں غیر روایتی گیس کی سب سے بڑی فیلڈ ہے۔ یہ 170 کلومیٹر طویل ہے۔ اس کا عرض سو کلومیٹر ہے۔ فیلڈ میں گیس کے ذخائر 200 ٹریلین مکعب فٹ سے زیادہ کے ہیں۔

توقع یہ ہے کہ الجافورہ سے قدرتی گیس کی پیداوار 2024 کے آخر تک شروع ہو جائے گی۔ اس سے گیس کی یومیہ پیداوار دو ارب مکعب فٹ تک پہنچ جائے گی۔

پی آئی اے کا 4 نئے جدید طیارے اپنے بیڑے میں شامل کرنے کا فیصلہ

کی طرف
محمد صلاح الدین
-
0

کراچی : قومی ایئرلائن(پی آئی اے) نے 4 نئے طیارے اپنے بیڑے میں شامل کرنے کا فیصلہ کرلیا، جدید ایئربس 320 جہاز لیز پر حاصل کیےجارہے ہیں۔

تفصیلات کے مطابق قومی ایئرلائن(پی آئی اے) بزنس پلان کے تحت بیڑے میں نئے طیارے شامل کرنے کا سلسلہ جاری ہے ، پی آئی اےمیں مزید4 نئےجدید طیارے فروری تک بیڑے میں شامل ہو جائیں گے۔

ذرائع کا کہنا ہے کہ جدید ایئربس 320 جہاز لیز پر حاصل کیےجارہے ہیں ، جس کے بعد پی آئی اے کے بیڑے میں ائیر بس طیاروں کی تعداد 18 ہو جائے گی۔

ترجمان کے مطابق موجودہ بیڑے میں 11 ائیر بس ،12 بوئنگ 777 اور6 اے ٹی آر طیارے فعال ہیں، 4 نئے طیاروں کی شمولیت سے پی آئی اےکےبیڑےمیں بوئنگ777اورائیربس طیاروں کی تعداد 44 ہو جائے گی۔

سی ای او پی آئی اے ارشد ملک کی سربراہی میں تاحال3 نئے طیارے بیڑے میں شامل کیے گئے ہیں، ان طیاروں سے قومی ایئرلائن اپنے مہمانوں کو بہتر اور آرام دہ سفری سہولیات مہیا کرے گا۔

یاد رہے ستمبر میں پاکستان انٹرنیشنل ایئرلائن نے ٹینڈر کے ذریعے دو طیارے حاصل کیے تھے ، دونوں طیارے 2017ساخت کے ہیں۔

اومیکرون وائرس 19 ممالک تک پھیل گیا

کی طرف
ویب ڈیسک
-
0
اومیکرون

کرونا وائرس کا نیا ویرینٹ اومیکرون 19 ممالک تک پھیل گیا۔

تفصیلات کے مطابق کرونا وائرس کی نئی تبدیل شدہ شکل جسے عالمی ادارۂ صحت نے اومیکرون کا نام دیا ہے، تیزی سے دنیا بھر میں پھیلتی جا رہی ہے۔

ماہرین کے مطابق کووِڈ 19 کا نیا ویرینٹ B.1.1.529 یعنی اومیکرون سے بار بار انفیکشن ہونے کا خطرہ دیگر تمام اقسام سے زیادہ ہے، اور یہ تیزی سے ایک کے بعد دوسرے ملک پھیل رہا ہے۔

اب تک اومیکرون وائرس انیس سے زائد ممالک میں پنجے گاڑ چکا ہے، جنوبی افریقا میں 77، بوٹسوانا میں 77، نیدرلینڈ اور پرتگال میں 13،13 کیسز رپورٹ ہوئے ہیں۔

جرمنی، ہانگ کانگ میں 3 کیسز، آسٹریلیا، ڈنمارک میں 2 کیسز رپورٹ ہوئے، آسٹریا، بیلجیم، چیک ری پبلک، اٹلی، جاپان، اور اسرائیل میں بھی اومیکرون کے کیسز سامنے آ چکے ہیں۔

کرونا وائرس کی نئی قسم اومیکرون کی علامات کیا ہیں؟

سائنس دانوں کا کہنا ہے کہ اومیکرون نے انھیں حیران کر دیا ہے، اس میں 50 تبدیلیاں دیکھی گئی ہیں، سب سے زیادہ خطرناک سمجھی جانے والی قسم ڈیلٹا میں صرف 2 تبدیلیاں پائی گئی تھیں، اومیکرون میں موجود مخصوص اسپائک پروٹین میں 30 جینیاتی تبدیلیاں دیکھی گئیں۔

خیال رہے کہ ویکسین اسی اسپائک پروٹین کو نشانہ بناتی ہے، جب کہ انسانی جسم پر سب سے پہلے اثر انداز ہونے والے حصے کی سطح پر بھی 10 جینیاتی تبدیلیاں رونما ہوئی ہیں۔

ترک صدر اردگان امارات کا دورہ کریں گے

کی طرف
ویب ڈیسک
-
0

انقرہ: ترکی کے صدر رجب طیب اردگان متحدہ عرب امارات کا دورہ کریں گے، امارات کے ولی عہد نے گزشتہ ہفتے ہی انقرہ کا دورہ کیا تھا۔

بین الاقوامی میڈیا رپورٹ کے مطابق ترکی کے صدر رجب طیب اردگان نے کہا ہے کہ وہ فروری میں متحدہ عرب امارات کے دورے کا ارادہ رکھتے ہیں کیونکہ دونوں ممالک برسوں کے کشیدہ تعلقات کو پس پشت ڈالنے کے لیے آگے بڑھ رہے ہیں۔

یاد رہے کہ امارات کے ولی عہد نے گزشتہ ہفتے انقرہ کا دورہ کیا تھا جو 2012 کے بعد ترکی کا پہلا دورہ تھا۔

اس دورے میں ترکی اور متحدہ عرب امارات کے درمیان صدر طیب رجب اردگان اور ولی عہد شیخ محمد بن زاید آل نہیان کی موجودگی میں بدھ کو انقرہ میں کئی معاہدے ہوئے تھے۔

امارات نے ترکی میں سرمایہ کاری کے فروغ کے لیے 10 ارب ڈالر مالیت سے فنڈ قائم کرنے کا اعلان کیا تھا۔

امارات کے ولی عہد شیخ محمد بن زاید کا کہنا تھا کہ ترک صدر سے ملاقات میں بامعنی مذاکرات کیے جن میں اقتصادی تعلقات کو فروغ دینے کے امکانات پر زور دیا گیا۔

وزیر صحت سندھ کا کورونا کی نئی قسم ‘اومی کرون’ سے متعلق بڑا انکشاف

کی طرف
ویب ڈیسک
-
0

کراچی : وزیر صحت سندھ عذراپیچوہو کا کہنا ہے کہ کورونا کی نئی قسم کے حوالے سے حفاظتی اقدامات شروع کردیے ، دو ویکسین ڈوز لگوانے والوں پر اومی کرون کا اثر کم ہوگا۔

تفصیلات کے مطابق وزیر صحت سندھ عذراپیچوہو کی جانب سے بیان میں کہا گیا ہے کہ روبیلا خسرہ مہم کے دوران سندھ میں 110 فیصد اہداف حاصل کیے، جنوری 2022 سے مہم روٹین بنیادوں پر جاری رہیں گی۔

وزیرصحت سندھ کا کہنا تھا کہ کورونا کی نئی قسم کے حوالے سے حفاظتی اقدامات شروع کردیے، ڈبلیو ایچ او کے مطابق اومی کرون سے متعلق صورتحال واضح نہیں ، دو ویکسین ڈوز لگوانے والوں پر اومی کرون کا اثر کم ہوگا۔

عذراپیچوہو نے کہا کہ سندھ کے شہریوں سے گزارش ہے ویکسی نیشن کا عمل مکمل کرالیں، ویکسینیٹرز کی بلیک میلنگ میں نہیں آئیں گے، جب مہمات شروع ہوتی ہیں تو یہ مطالبات لے آتے ہیں، جائز مطالبات مان چکے ہیں مزید جائز مطالبات پر بھی غور کریں گے۔

میڈیکل طالبہ کی موت کے حوالے سے ان کا مزید کہنا تھا کہ چانڈکا میڈیکل کالج کیس کوباریک بینی سے دیکھا جارہا ہے۔

حلف نامے کی تصدیق ، صحافی انصار عباسی اورسابق جج راناشمیم کے جوابات میں تضاد

کی طرف
حسن ایوب
-
0

اسلام آباد : حلف نامے کی تصدیق کیلئے رابطہ  کے  حوالے سے صحافی انصار عباسی اورسابق جج راناشمیم کے جوابات میں تضاد سامنے آگیا۔

تفصیلات کے مطابق اسلام آباد ہائی کورٹ میں جج راناشمیم کے بیان اور انصارعباسی کے تحریری جواب میں تضاد سامنے آگیا ، راناشمیم نے عدالت میں بیان میں کہا انصار عباسی کو خبر شائع ہونے کے بعد تصدیق کی تھی کہ حلف نامہ میرا ہے ، میں نے صحافی کو حلف نامہ نہیں دیامعلوم نہیں کہ یہ کیسے لیک ہوا۔

رانا شمیم کا کہنا تھا کہ میرے پاس حلف نامہ موجود نہیں اسے برطانیہ سے منگوانا پڑےگا، لندن میں میرا حلف نامہ لاکرمیں میرے پوتے کے پاس محفوظ ہے۔

اس س قبل انصارعباسی نے تحریری جواب میں کہا تھا کہ خبر فائل کرنے سے پہلے راناشمیم سے ایفیڈیوڈ پر مؤقف لیا تھا۔

دوسری جانب اس حوالے سے اظہرصدیق ایڈووکیٹ نے اے آر وائی نیوز سے گفتگو کرتے ہوئے کہا آج کی سماعت سے ایک چیز واضح ہے کہ توہین عدالت ہے ، راناشمیم نے کہا کہ لندن کے لاکر میں حلف نامہ پڑا ہے اور یہ بھی کہا کہ میرا حلف نامہ لیک ہوا ہے۔

اظہرصدیق ایڈووکیٹ کا کہنا تھا کہ اصل معاملہ یہ ہے کہ انصار عباسی کے اس ایفیڈیوڈ کب آیا، توہین عدالت ثابت ہوگی اور اس معاملے پر علیحدہ مقدمہ بھی درج ہوگا۔

ایڈووکیٹ نے کہا نوٹری پبلک نے بتایا کہ ایفیڈیوڈ نوازشریف کا ملازم وقار لیکر آیا تھا اور یہ بھی پتہ چلا کہ نوٹری پبلک کوحسین نوازکے دفتر میں بلاکر دستخط کرائے گئے۔

عدالت نے اصل بیان حلفی منگوایا ہے ، عدالت کے سامنے غلط بیانی پر دفعہ476 فور کےتحت کارروائی ہوگی۔

بظاہر بنیادی طورپر یہ بیان حلفی نوازشریف نے تیار کروایا ہے، عدلیہ کو پلاننگ کےتحت بدنام کرنے کی سازش ہورہی ہے، جو ایفیڈڈیو ہے وہ اس وقت سے متعلق ہے جب راناشمیم چیف جج تھے۔

1...10,71110,71210,713...28,040صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ