بانی پی ٹی آئی کی اہلیہ بشریٰ بی بی جنہوں ںے کل دوپہر سینے میں جلن اور درد کی شکایت کی تھی رات گئے ان کا ڈاکٹرز کی ٹیم نے بنی گالہ میں طبی معائنہ کیا۔

اے آر وائی نیوز کو ذرائع سے ملنے والی اطلاعات کے مطابق بانی پاکستان تحریک انصاف کی اہلیہ بشریٰ بی بی نے گزشتہ روز دوپہر کے وقت اڈیالہ جیل  کے ڈاکٹروں نے طبی معائنہ کیا اور سب اچھا قرار دیا۔

ذرائع نے بتایا کہ اڈیالہ جیل کے ڈاکٹرز نے معائنے کے  بعد پمز کے اسپیشلسٹ ڈاکٹرز بشمول ماہر امراض دل سے معائنے کا مشورہ بھی دیا۔

پمز ڈاکٹرز کی ٹیم جس میں ڈاکٹر بشریٰ لیاقت، ڈٓکٹر حرا طاہر اور ڈاکٹر سدرہ شامل تھیں نے گزشتہ شب 11 بجے سے سوا 12 بجے تک بنی گالہ میں بشریٰ بی بی کا طبی معائنہ کیا اور انہیں مکمل فٹ قرار دیا تاہم انہیں صرف کھانے میں احتیاط کا مشورہ دیا گیا۔

’بشریٰ بی بی کو جب سے زہر والا کھانا دیا ہے وہ بول نہیں سکتیں‘

پمز اسپتال کے ذرائع نے کہا ہے کہ بشریٰ بی بی کی صحت کے حوالے سے تازہ ترین رپورٹ اعلیٰ حکام کو بھجوا دی ہے۔

گورنر ہاؤس کراچی میں گزشتہ دنوں انفارمیشن ٹیکنالوجی (آئی ٹی) کورس کرنے والے 50 ہزار طلبہ وطالبات کے لیے بڑی خوشخبری آ گئی ہے۔

اے آر وائی نیوز کے مطابق گورنر سندھ کامران ٹیسوری کی جانب سے شہر قائد کے 50 ہزار طلبہ وطالبات کو گورنر ہاؤس میں گزشتہ دنوں آئی ٹی کورس کرائے گئے تھے۔ اب ایسے تمام طلبہ وطالبات جنہوں نے یہ کورس مکمل کیا تھا ان کے لیے خوشخبری ہے کہ انہیں شہر قائد کے سب سے معروف ادارے جامعہ کراچی سے آئی ٹی کا سرٹیفکیٹ جاری کیا جائے گا۔

اس سلسلے میں گورنر سندھ نے آئی ٹی کورسز کو جامعہ کراچی سے الحاق کے لیے وائس چانسلر کو خط لکھ دیا ہے جب کہ وی سی نے بھی کورسز کا مکمل سلیبس منگوا کر سنڈیکٹ کا اجلاس طلب کر لیا ہے۔

سنڈیکٹ سے منظوری کے بعد 50 ہزار طلبہ وطالبات کو جامعہ کراچی سے ایک سال کا آئی ٹی ڈپلومہ سرٹیفکیٹ جاری کیا جائے گا۔

گورنر ہاؤس کراچی میں آئی ٹی کلاسز کا باقاعدہ آغاز

اس حوالے سے گورنر سندھ کامران ٹیسوری نے کہا کہ بچوں کیلیے آئی ٹی یونیورسٹی بنانا اور اب سرٹیفکیٹ دلوانا بڑا خواب تھا۔ جو وعدہ کیا تھا وہ پورا کر دکھایا اور یہی میری کامیابی ہے۔

سابق وزیر اعظم اور سینیئر سیاستدان شاہد خاقان عباسی نے کہا ہے کہ بجلی اور پٹرول کی قیمتوں میں کمی کے لیے محنت کرنا اور سخت فیصلے لینے ہوں گے۔

اے آر وائی نیوز کے مطابق سابق وزیراعظم شاہد خاقان عباسی نے اسلام آباد میں جوڈیشل کمپلیکس کے باہر میڈیا سے مختصر گفتگو کرتے ہوئے کہا ہے کہ بجلی اور پٹرول کی قیمتوں میں کمی کے لیے محنت کرنا اور سخت فیصلے لینے ہوں گے۔ پیش گوئی کرنے والوں کی حالت آپ نے دیکھ لی۔ پہلے ایک ناکام حکومت تھی، اب دعا کریں گے کہ اللہ انہیں ہدایت دے۔

شاہد خاقان عباسی نے کہا کہ ایران ہمارا ہمسایہ ملک ہے یہ تعلقات مزید بڑھنے چاہئیں، تاہم گیس پائپ لائن سیاسی نہیں لیگل ایشو ہے۔

سابق وزیراعظم نے طنزیہ انداز اختیار کرتے ہوئے کہا کہ میرا خیال ہے دو، تین سال مزید گزرے تو نیب سے ہمیں پنشن لینا پڑے گی کیونکہ 18 سال میں پنشن ہو جاتی ہے اور اب تو 17 سال گزر چکے ہیں۔

اس سے قبل شاہد خاقان عباسی ایل این جی ریفرنس کیس میں اپنے بیٹے عبداللہ خان کے ہمراہ عدالت میں پیش ہوئے اور حاضری لگوائی جب  کہ سابق وزیر خزانہ مفتاح اسماعیل کی جانب سے پلیڈر چوہدری سفیر عدالت میں پیش ہوئے۔

احتساب عدالت کے جج ناصر جاوید کی آج بانی پی ٹی آئی کے خلاف جیل میں ٹرائل کی مصروفیات کے باعث پیشرفت نہ ہوسکی اور سماعت 25 مئی تک ملتوی کر دی گئی۔