ممبئی: بالی وڈ کی معروف اداکارہ جیکلین فرنانڈز کو دہلی پولیس کے اقتصادی جرائم ونگ نے منی لانڈرنگ کیس میں پھر طلب کرلیا۔

میڈیا رپورٹس کے مطابق جیکلین فرنانڈز کو 4 روز میں دوسری بار تفتیش کے لیے طلب کیا گیا ہے، انہیں کل 11 بجے دہلی پولیس کے دفتر میں پیش ہونے کی ہدایت کی گئی ہے۔

اقتصادی جرائم ونگ نے جیکلین فرنانڈز کو 14 ستمبر کو طلب کیا تھا اور ان سے 8 گھنٹے تک تفتیش کی گئی جس کی تفصیلات تاحال سامنے نہیں آ سکیں۔

مزید پڑھیں: جیکلین کے کروڑوں کے اثاثے ضبط کرلیے گئے

خیال رہے کہ سرکاری تحقیقاتی ایجنسی انفورسمنٹ ڈائریکٹوریٹ ملزم سکیش چندرا شیکھر کے خلاف 200 کروڑ روپے کی منی لانڈرنگ کی تحقیقات کر رہی ہے۔ جیکلین کو ملزم کے ساتھ قریبی تعلقات کی وجہ سے کیس میں نامزد کیا گیا ہے۔

31 اگست کو سرکاری تحقیقاتی ایجنسی انفورسمنٹ ڈائریکٹوریٹ (ای ڈی) نے ان کے خلاف چارج شیٹ پیش کی تھی جس میں تہلکہ خیر انکشافات ہوئی تھے۔

چارج شیٹ کے مطابق: ’جیکلین نے بتایا کہ وہ سکیش چندرا کو نہیں جانتیں، دراصل انہوں نے غلط بیانی کی۔ وہ ملزم کے جرائم سے واقف ہونے کے باوجود نہ صرف اس کی دوست رہیں بلکہ مہنگے تحائف بھی وصول کیے۔ انہوں نے جان بوجھ کر ملزم کے جرائم پر پردہ ڈالا اور مالی فوائد حاصل کیے۔ جیکلین کے ہیئر اسٹائلسٹ شان نے 2021 میں انہیں ملزم کے بارے میں سب کچھ بتایا مگر انہوں نے سب نظر انداز کر دیا‘۔

مزید پڑھیں: نورا فتیحی کو بھتہ خوری اور منی لانڈرنگ کیس میں کلین چٹ مل گئی

اس میں مزید کہا گیا تھا: ’جیکلین اعتراف کر چکی ہیں کہ انہوں نے ملزم سے پانچ مہنگی گھڑیاں، زیوارت، 65 جوتے، 47 سوٹ، 32 بیگ، 9 پینٹنگ اور برتنوں کا ایک سیٹ حاصل کیا۔ مجرم نے 2021 میں اداکارہ کے والدین کو 2 کاریں بطور تحفہ دیں جس کے بارے میں جیکلین نے تفتیش کے دوران پوچھنے کے باوجود نہیں بتایا۔ جیکلین نے یہ بھی اعتراف کیا ہے کہ سکیش چندرا نے انہیں سری لنکا میں جائیداد بھی خرید کر دی‘۔

تحقیقات میں یہ بات بھی سامنے آئی کہ جیکلین نے منی لانڈرنگ کی رقم مہنگے تحائف کی مدد سے یہاں سے وہاں کی، انہوں نے اپنے اسٹاف کو ملزم سے متعلق معلومات بھی ڈیلیٹ کرنے کی ہدایت کی تاکہ وہ گرفت میں نہ آسکیں۔

چارج شیٹ کے مطابق سکیش چندرا نے جیکلین کو 7 کروڑ 12 لاکھ روپے دیے جبکہ ان کی بہن کو 1 کروڑ 26 لاکھ، بھائی کو 15 لاکھ روپے اور آسٹریلیا میں 5 کروڑ 71 لاکھ کے تحائف دیے۔

بھارت کی ریاست تمل ناڈو سے تعلق رکھنے والی مشہور اداکارہ دیپا عرف پارلن جیسکا نے محبت میں ناکامی پر خود کو پھانسی لگا کر خودکشی کرلی۔

میڈیا رپورٹس کے مطابق اداکارہ دیپا نے گزشتہ روز خودکشی کی اور وہ اپنے دوست پربھاکرن کے ساتھ رہ ہی تھیں۔ دپیا نے جب اہل خانہ کی جانب سے مسلسل رابطہ کرنے پر جواب نہیں دیا تو انہوں نے پربھاکرن سے رابطہ کیا۔

پولیس کے مطابق پربھاکرن کو بھی دیپا کی خودکشی کا علم نہیں تھا، اس نے جب گھر جا کر دیکھا تو وہ کمرے میں پھانسی کے پھندے پر لٹکی ہوئی تھیں۔

دیپا کے بھائی نے پولیس میں شکایت درج کروا دی۔ پولیس کا کہنا ہے کہ کمرے سے ایک تحریری نوٹ برآمد ہوا ہے جس میں دپیا نے لکھا کہ مجھے ایک شخص سے محبت تھی مگر کامیاب نہ ہوسکی، اس لیے میں اپنی زندگی کا خاتمہ کر رہی ہوں۔

پولیس نے معاملے کی مزید تحقیقات شروع کر دی ہے۔

دیپا عرف پارلن جیسکا متعدد فلموں میں چھوٹے موٹے کردار نبھا چکی ہیں۔ فلم ’وائیتھا‘ سے انہوں نے انڈسٹری میں ڈیبیو کیا۔