اے آر وائی ڈیجیٹل کے نئے ڈرامہ سیریل ’وہ پاگل سی‘ کا ٹریلر ریلیز ہوتے ہی مداحوں کو بھا گیا۔
ڈرامہ سیریل ’وہ پاگل سی‘ کے ہدایت کار سید فیصل بخاری ہیں جبکہ اس کی کہانی سعدیہ اختر نے لکھی ہے ڈرامے میں حرا خان پہلی مرتبہ لیڈ کردار ادا کررہی ہیں۔
ڈرامے کی کاسٹ میں حرا خان، بابر علی، زباب رانا، عمر شہزاد، سعد قریشی ودیگر شامل ہیں۔
ٹیزر میں دکھایا گیا ہے کہ حرا خان اور سعد قریشی کہیں جارہے ہیں اس دوران حرا کہتی ہیں کہ ’کتنا خوبصورت ہے یہ راستہ یہ موسم، سعد سوال کرتے ہیں اور ’میں۔‘
حرا خان کو ساحل سمندر پر پیر میں کانٹا چبھ جاتا ہے جسے سعد نکالتے ہیں تو وہ کہتی ہیں کہ ’اگر ساری زندگی سنبھالنا پڑا۔
سعد قریشی کہتے ہیں کہ ’محبت میں آپشنز نہیں ہوتے، محبت میں قانون بھی نہیں ہوتے اور پیار تو پہلی نظر میں ہوجاتا ہے۔
اس کے بعد حرا کو سعد قریشی پر غصہ کرتے دیکھا جاسکتا ہے کہ وہ کہتی ہیں کہ ’نظر نہیں آتا اندھے ہو کیا لگتا ہے تمہیں مرنے کا بہت شوق ہے، وہ کہتے ہیں کہ معاف کردیں مگر آپ مجھ سے ایسے بات نہیں کرسکتیں میں آپ کا ڈرائیور نہیں ہوں۔
حرا گاڑی سے اتر ہی رہی ہوتی ہیں کہ وہ حادثے سے بچ جاتی ہیں پھر سعد کہتے ہیں کہ ’جان بہت قیمتی ہے آپ کی اس کی حفاظت کی ذمہ داری بھی مجھے دے دیں میں جان پر کھیل جاؤں گا مگر آپ کو کچھ ہونے نہیں دوں گا۔
ڈرامہ سیریل ’وہ پاگل سی‘ کو اے آر وائی ڈیجیٹل پر جلد نشرکیا جائے گا۔
