اسلام آباد : وزیراعظم شہباز شریف ورلڈاکنامک فورم اجلاس میں شرکت کے لئے سعودی عرب جائیں گے۔

تفصیلات کے مطابق وزیراعظم شہباز شریف ورلڈاکنامک فورم اجلاس کے لئے 28 اور 29 پریل کو سعودی عرب جائیں گے، ذرائع نے بتایا کہ وزیراعظم شہبازشریف کےہمراہ وزیرخارجہ اسحاق ڈاربھی ہوں گے۔

ذرائع کا کہنا تھا کہ وزیراعظم اور وزیرخارجہ کی دورے کےدوران اہم ملاقاتیں متوقع ہیں جبکہ سعودی وفدکےحالیہ دورے میں ہونیوالی پیش رفت کو آگے بڑھایا جائے گا۔

وزیر خارجہ اسحاق ڈار سعودی عرب سے گیمبیا روانہ ہوں گے جبکہ او آئی سی کےاجلاس میں وزیراعظم کی شرکت کا بھی امکان ہے، وزیراعظم کا 5،4 مئی کو او آئی سی اجلاس کیلئے گیمبیا کے دورے کا امکان ہے۔

سعودی وفد کا وزیرخارجہ کی قیادت میں دورہ پاکستان پروزریراعظم شہباز شریف کا کہنا تھا کہ دورہ سعودی سرمایہ کاری اور تجارتی واسٹریٹجک شراکت داری کےنئے دور کا آغاز ہے، سعودی ولی عہدشہزادہ محمد بن سلمان کےبے حدمشکور ہیں۔

شہباز شریف کا کہنا تھا کہ سعودی ولی عہد کی بدولت پاک سعودیہ سرمایہ کاری وتجارتی تعلقات کاآغازممکن ہوا،سعودی سرمایہ کاری سے منصوبوں کی تکمیل کی خود نگرانی کروں گا۔

انھوں نے کہا کہ دورے کو باہمی شراکت داری میں بدلنے کیلئےوزرا،ایس آئی ایف سی کی کوششیں قابلِ ستائش ہیں،بین الاقوامی سرمایہ کاری کے منصوبوں کیلئے عالمی شہرت یافتہ ماہرین کی خدمات لی جائیں، بین الاقوامی سرمایہ کاری کےمنصوبوں کے حوالے سے کسی قسم کی لاپرواہی قبول نہیں۔

وزیراعظم نے واضح کہا کہ فرسودہ طریقہ کار اور سرخ فیتہ بالکل نہیں چلے گا،وزارتوں کی استعداد بڑھانے کیلئے جامع لائحہ عمل پیش کیا جائے۔

انھوں نے بتایا کہ وزیراعظم سعودی عرب سےجلد معروف کاروباری شخصیات پر مشتمل وفد کی پاکستان آمد متوقع ہے،عالمی اقتصادی فورم پر آئندہ دورہ سعودی عرب پرسرمایہ کاری کےمزید مواقع کوحتمی شکل دی جائے گی۔

کراچی : پاکستان میں  اپریل میں بارشوں کا تیس سالہ ریکارڈ ٹوٹ گیا ، اپریل کے مہینے میں معمول سے ننانوے فیصد زیادہ بارشیں ہوئیں۔

تفصیلات کے مطابق ماہرین موسمیات کی جانب سے کہا گہا ہے کہ پاکستان میں اپریل کے مہینے میں معمول سے ننانوے فیصد زیادہ بارشیں ہوئیں ، جس کے بعد اپریل میں بارشوں کا تیس سالہ ریکارڈ ٹوٹ گیا۔

ماہرین موسمیات کا کہنا تھا کہ  بلوچستان میں معمول سے تین سو ترپن فیصد زیادہ اور خیبرپختونخوامیں معمول سے نوے فیصد زائد بارشیں ہوئیں جبکہ گذشتہ تیس سال کے مقابلے میں رواں برس یکم سے اٹھارہ اپریل تک ہونے والی بارشیں اوسط بارش سے ننانوے فیصد زیادہ تھیں۔

ماہرین کے مطابق  غیرمعمولی بارشیں موسمیاتی تبدیلیوں کے باعث ہوئیں، پنجاب ،خیبرپختونخوا اور بلوچستان میں ندی نالوں میں طغیانی ،دریاؤں میں پانی کے بہاؤ میں اضافہ اور بجلی گرنےکے واقعات میں اضافہ دیکھا گیا۔

خیال رہے بلوچستان اور خیبر پختوںخواہ میں طوفانی برسات نے تباہی مچادی اور نظام زندگی درہم برہم ہوگیا ہے۔

بارش نے ایک بار پھرگوادر کو ڈبودیا، گھروں اور گلی محلوں میں تین فٹ تک پانی جمع ہے جبکہ پسنی میں ماہی گیروں کی سو سے زائد کشتیاں منہ زورموجوں کی نذر ہوگئیں۔

نصیرآباد، پنجگور سمیت مختلف اضلاع میں طوفانی برسات سے گندم، انگور اور خوبانی کی فصلوں کو نقصان پہنچا جبکہ چمن میں کئی رابطہ سڑکیں بہہ گئیں۔

مختلف اضلاع میں درجنوں مکانات تباہ اورحادثات میں متعدد افراد جان سے گئے جبکہ نوشکی، چاغی ،مستونگ ،کیچ سمیت کئی علاقوں میں اربن فلڈنگ کا خدشہ ظاہر کیاجارہا ہے۔

.

امریکی معاشی جریدے بلومبرگ نے دعویٰ کیا ہے کہ سعودی عرب پاکستان میں بیرک گولڈکارپوریشن کےمعاہدےکےقریب پہنچ گیا۔

تفصیلات کے مطابق امریکی معاشی جریدے بلومبرگ کی جانب سے کہا گیا ہے کہ سعودی عرب پاکستان میں بیرک گولڈ کارپوریشن کے معاہدے کےقریب پہنچ گیا، سعودی کمپنی پاکستانی مائنگ سیکٹر میں ایک ارب ڈالر کی سرمایہ کاری کرےگا۔

بلومبرگ کا کہنا تھا کہ سعودی کمپنی اگلےچندہفتوں میں ابتدائی معاہدےکی شرائط پرپہنچےکااعلان کردیگا۔

وزیر خزانہ محمداورنگزیب نے بلومبرگ کو دیئے گئے انٹرویو میں کہا کہ سعودی کمپنی پاکستانی مائنگ سیکٹر میں مزید سرمایہ کاری کرناچاہتی ہے، سعودی عرب کی جانب سےسرمایہ کاری کا اعلان جلد متوقع ہے۔

امریکی جریدے نے بتایا کہ ریکوڈک پروجیکٹ میں بیرک گولڈ کے 50 فیصد شیئرز ہیں جبکہ 25 فیصد شیئرز وفاقی حکومت اور 25 فیصد بلوچستان حکومت کے پاس ہیں۔

یاد رہے سعودی سرمایہ کاری کیلئے ایس آئی ایف سی رکاوٹوں کو دور کرنے کیلئے کوشاں ہیں۔

سعودی سرمایہ کاری کی ہموار تکمیل کیلئے وزیر اعظم وزارت خزانہ کی کمیٹی بنائیں گے ، کمیٹی میں پاکستان کی جانب سے تمام اسٹیک ہولڈرز شامل ہوں گے۔

سعودی عرب کی سرمایہ کاری سےملک میں مزیدغیر ملکی سرمایہ کاری کی راہ ہموار ہوگی، دونوں ممالک معدینات کےشعبےمیں مزید سرمایہ کاری کے معاہدوں پربھی دستخط کریں گے۔

بیرِک کے چیف ایگزیکٹیو مارک برسٹو نے کہا ہے کہ "ریکوڈِک دنیا میں تانبے کے سونے کے غیر ترقی یافتہ منصوبوں میں سے ایک ہے، جس کا مقصد 2028 میں کان کنی شروع کرنا ہے، جو ایک جاری فزیبلٹی اسٹڈی سے مشروط ہے۔’

کراچی : خاتون بھکارن حق کے لیے عدالت پہنچ گئی اور کہا تین بھکاری ہراساں کرتے ہیں اور بھیک نہیں مانگنے دیتے۔

تفصیلات کے مطابق کراچی ایڈیشنل ڈسٹرکٹ اینڈ سیشن کورٹ میں بھکاریوں کی بھیک مانگنے کی حدود پر تنازعے پر خاتون بھکارن نے تین بھکاریوں کے خلاف مقدمہ دائر کرنے کی درخواست دائر کی۔

عدالت نے درخواست گزار خاتون بھکاری کی درخواست پر فیصلہ سنایا اور خاتون بھکاری کی درخواست کو مسترد کر دیا۔

عدالت نے کہا کہ بھیک مانگنے والا معاملہ انتہائی دکھ دائق ہے پتا نہیں کونسی ایسی مجبوری ہے جو فریقین بھیک مانگنے پر مجبور ہوتے ہیں عدالت مجبور لوگوں کے جذبات کی قدر کرتی ہے لیکن عدالت کوئی ایسا فیصلہ نہیں کر سکتی جس کی مانگ غیر قانونی ہومجبوری اپنی جگہ پر لیکن بھیک مانگنے کیلئے جگہ مختص نہیں کی جا سکتی۔

فیصلے میں کہا گیا کہ عدالت امید کرتی ہے کہ لوگوں کے مشکلات کم ہوں دونوں فریقین کیلئے دعا ہے کہ ان کے مشکلات کم ہوں۔

درخواست گزار خاتون سعود آباد میں فٹ پاتھ پر بھیک مانگتی تھی ، تین دیگر بھکاریوں کو خاتون کو جگہ چھوڑنے کا کہا ، جس پر خاتون بھکاری نے پولیس میں ہراساں کرنے کی درخواست دائر کی تھی۔

پولیس نے مقدمہ دائر کرنے سے انکار کر دیا تھا ،پولیس کے انکار کے بعد درخواست کی امیر خاتون نے عدالت میں دائر کی تھی

درخواست گزار امیر خاتون نے تین بھکاری شفیع، نذیر اور میر گل کے خلاف درخواست دائر کی تھی۔