بالی ووڈ اداکارہ سوناکشی سنہا کی منگنی اور پھر شادی کی خبریں سوشل میڈیا پر وائرل ہوگئیں۔
بالی ووڈ اداکارہ سوناکشی سنہا کے دوست ظہیر اقبال نے فوٹو اور ویڈیو شیئرنگ ایپ انسٹاگرام پر سوناکشی سنہا کی سالگرہ کے موقع پر تصویر شیئر کرکے مداحوں کو حیران کردیا۔
ظہیر اقبال نے سوناکشی کو ناصرف سالگرہ کی مبارک باد دی بلکہ ان سے محبت کا اظہار بھی کردیا۔
انہوں نے لکھا کہ ’سالگرہ مبارک ہو سوز، شکریہ مجھے نہ مارنے کے لیے، آئی لو یو۔‘
سوناکشی کے دوست نے مزید لکھا کہ ’آپ کے لیے اور کھانے بھی ہیں، یہ ویڈیو اس وقت کی یاد دلاتی ہے جب سے ہم ایک دوسرے کو جانتے ہیں۔‘
View this post on Instagram
ظہیر اقبال کی یہ پوسٹ سوشل میڈیا پر وائرل ہوئی تو صارفین نے اس پر تبصرے شروع کر دیئے علاوہ ازیں ساتھی اداکاروں نے بھی اس پوسٹ پر کمنٹ کر کے اپنا ردِ وعمل دیا تو سناکشی نے بھی کمنٹ میں اپنے قریبی دوست ظہیر کو شکریہ ادا کرتے ہوئے لکھا کہ ’’ شکریہ ، آئی لو یو ٹو ، اب میں آرہی ہوں تمہارا قتل کرنے‘‘۔
یہ پہلی مرتبہ ہے کہ سناکشی سنہا اور ظہیر اقبال کی جانب سے اپنے قریبی تعلق اور محبت کا کھل کا اعلان کیا گیا ہے تاہم اس سے قبل اداکارہ نے اپنے انسٹاگرام اکاؤنٹ پر ایک تصویر شیئر کی تھی جس میں انہوں نے ایک ہیرے کی انگوٹھی پہن رکھی تھی اور ان کے ساتھ کوئی شخص موجود تھا جس کا چہرہ واضح نہیں کیا گیا تھا۔
