یورپی ملک اسکاٹ لینڈ میں چیکنگ کے دوران پولیس افسر اس وقت چونک اٹھا جب ایک کار سے مسافر کی جگہ اونٹ باہر نکل آیا۔

"اونٹ رے اونٹ تیری کون سی کل سیدھی” ایک مشہور کہاوت ہے، اب یہ کیوں کہا جاتا ہے اس بارے میں بہت سی کہانیاں اور روایات ہیں لیکن اونٹ کو اس کی جسمانی بناوٹ کے باعث کسی چھوٹی جگہ رکھنا مسئلہ ہی رہا ہے لیکن کچھ ایسے بھی ہوتے ہیں کار میں اونٹ کو اپنا ہمسفر بنالیتے ہیں۔

سوشل میڈیا پر ایک وائرل تصویر نے بہت جلد صارفین کو اپنی جانب متوجہ کرلیا ہے اور یہ کسی خوبصورت ماڈل کی نہیں بلکہ ایک کار کی کھڑکی سے سر نکالے اونٹ کی ہے۔

جی ہاں یورپی ملک اسکاٹ لینڈ کے علاقے کریگفورتھ اسٹرلنگ میں دوران ڈیوٹی پولیس افسر اس وقت دنگ رہ گیا جب اس نے معمول کی چیکنگ کے لیے کار کو روکا اور کار کا شیشہ کھلا تو ڈرائیور کے برابر والی سیٹ سے اچانک ایک الپاکا (جنوبی امریکا میں پائی جانے والی اونٹ کی نسل) کا چہرہ نمودار ہوا اور اس لمحے تو ایسا لگا کہ وہ اونٹ پولیس افسر سے گلے ملنا چاہتا ہے، یہ نادر لمحہ قریب ہی موجود پولیس افسر کے ساتھی نے اپنے موبائل کے کیمرے میں قید کرلیا۔

فورتھ ویلی پولیس نے یہ تصاویر سوشل میڈیا پر شیئر کرتے ہوئے لکھا کہ "گاڑیوں کی چیکنگ کے دوران کچھ غیر معمولی مسافروں سے ملاقات ہوئی ہے اور گاڑیوں میں مختلف نقائص کا بھی پتا چلا ہے، ان مسافروں میں سے کچھ نے ہمارے روڈ سیفٹی کے مشوروں کو سراہا”۔

دوسری جانب سوشل میڈیا صارفین اس عمل پر ملے جلے تاثرات کا اظہار کر رہے ہیں، ایک صارف نے لکھا کہ ’معذرت افسر… اگلی بار الپاکا بوٹ میں ہوگا” جب کہ ایک صارف کا کہنا تھا کہ یہ تھوڑا "خطرناک” ہے۔

#ForthValleyRP conducted a road check this morning at Craigforth. #OperationScrutinise. Various vehicles defects were discovered along with some unusual passengers. Some of those engaged were more appreciative of our Road Safety advice than others! pic.twitter.com/Dzc6hkzlB0

— Forth Valley Police (@ForthValPolice) June 6, 2022

ایک اور صارف نے لکھا کہ ’پولیس کی جانب سے روکنے پر یہ خبر بنائی گئی، لیکن میرا الپاکا کے ساتھ مختلف تجربہ رہا، میں نے ایک الپاکا کے بچے کو پالا، اب وہ سوچتی ہے کہ میں اس کی ماں ہوں‘۔

ایک صارف نے طنزیہ انداز میں اس اونٹ کے لیے کہا کہ ‘آپ سے مل کر خوشی ہوئی’۔

دبئی میں بنگلہ دیشی ٹیکسی ڈرائیور نے ایمریٹس ڈرا کی قرعہ اندازی میں 77 ہزار 777 درہم کی لاٹری جیت لی۔

گلف نیوز کی رپورٹ کے مطابق بنگلہ دیشی تارکین وطن جو دبئی کی ایک ٹیکسی کمپنی کے ساتھ لیموزین ڈرائیور کے طور پر فرائض انجام دے رہے ہیں انہوں نے صرف تین بار قرعہ اندازی میں حصہ لینے کے بعد ایمریٹس ڈرا میں 77 ہزار 777 درہم کی انعامی رقم جیت لی۔

چالیس سالہ منٹو بروا نے صرف ایک ماہ قبل قرعہ اندازی میں حصہ لینا شروع کیا تھا۔

انہوں نے کہا "میرے ساتھی نے گزشتہ ماہ جیتنے کے بعد مجھے ڈی ایچ 50 پنسل خریدنے کی ترغیب دی اور میں بہت خوش ہوں کہ میں نے ایسا کیا کیونکہ اب میری زندگی مکمل طور پر بدل گئی ہے جب مجھے ایمریٹس ڈرا سے فون آیا تو میں حیران رہ گیا۔

منٹو نے بتایا کہ وہ 13 سال سے دبئی کے رہائشی ہیں ٹیکسی چلاتے ہیں، انہوں نے مزید کہا کہ مجھے یقین نہیں ہے کہ میں اپنی جیت کا جشن کیسے مناوں اور بعد میں ان پیسوں کا کیا کروں، میں اب اس قرعہ اندازی میں حصہ لیتا رہوں گا اور امید ہے کہ مستقبل میں دوبارہ جیتنے کا موقع ملے گا۔